سيد العراقى: زعلانين ليه من السيجار والعربيات.. مش لازم المدرس يلبس بدلة مقطعة

الدروس الخصوصية.. كشف سيد العراقى، الملقب بوحش السناتر والدروس الخصوصية، فى أول حوار تليفزيوني، بعد انتهاء أسطورة دروس علم النفس عن حالته بعد معرفة إلغاء مادة علم النفس.

قائلا: 'الحمد لله فى السراء والضراء القرار جرئ ولكنه سريع وجرئ يتحط تحتها 100 خط، أنا سمعت عن القرار يوم الثلاثاء ويوم الأربع وزير التربية والتعليم أعلن رسميا خلال المؤتمر'.

وأضاف خلال لقائه مع الإعلامية نهال طايل ببرنامج «تفاصيل» المذاع على قناة صدى البلد 2، 'كان من المواد اللي تم إلغائها 'علم النفس' أكيد زعلت بس الحمد لله أنا عندي فلوس ومدارس خاصة'.

ورد مدرس علم النفس الشهير على انتقاده بسبب فيديوهاته المثيرة للجدل عبر السوشيال ميديا، قائلا: 'إنتوا ليه زعلاننين إنى بركب عربيات وبشرب سيجار، ليه مفهوم المدرس عندكم هو أستاذ حمام في فيلم ليلى مراد'، يكون لابس بدلة مقطعة، وشعره ومش مهندم في لبسه'، متابعا 'زى مافى طبيب ظروفه على قده في طبيب ربنا فاتح عليه، المدرسين كذلك الوضع كل واحد ليه ظروفه، عادى جدا يبقى عندى كذا عربية موديلات مختلفة ده فضل من ربنا عليا'.

وعن ذهابه للسنتر بموكب سيارات رد 'أنا شايف إن ده جزء من شغلى بوثقه على صفحتى على السوشيال ميديا اللى وعاوز أوثقه 'أنا أعمل اللى أنا عاوزه طالما من غير ضرر لأى شخص'.