نص تحقيقات أنوسة كوتة في واقعة عامل سيرك طنطا: أنا حذرته قبل كدة وهو مد ايده جوه القفص

حصل صدى البلد على نص التحقيقات في قضية عامل سيرك طنطا الذي التهم فيها نمر ذراعه والمتهمة فيها مدربة الأسود أنوسة كوتة. 

وأكدت المتهمة في التحقيقات أن المجني عليه يعمل معها في السيرك منذ 5 سنوات وأثناء الواقعة قام بإدخال يده خلال العرض وأي شخص يقوم بإدخال يده داخل القفص يعتبره الحيوان دخيل عليه وبيحاول يدافع عن نفسه - بحسب أقوالها -. 

وتابعت أنوسة كوتة في أقوالها أمام النيابة العامة أنها حذرت كل العمال اللي في السيرك إنهم يعملوا كدة. 

وإلى نص التحقيقات في قضية أنوسة كوتة وعامل سيرك طنطا…. 

الإسم: محاسن مدحت محمد على كوته 

محل الإقامة: حدائق الاهرام القاهرة 

السن: ۳۷ 

العمل: مدربة اسود 

س: ما قولك فيما هو منسوب لكِ من أنك متهمة بإحداث إصابة المجني علية محمد إبراهيم عبد الفتاح أحمد خطأ وكان ذلك ناشئاً عن إهمالك ورعونك وعدم احترازك وعدم مراعاتك للقوانين واللوائح بأن أحدث الحيوان المفترس ' العمر ' تحت تدريبك إصاباته الواردة بالأوراق على النحو المبين بالتحقيقات؟ 

ج: الكلام ده محصلش. 

س: ما قولك فيما هو منسوب إليكِ من أنكِ متهمة بعدم حملك بطاقة تحقيق الشخصية الخاصة بكِ حال كونك أحد رعايا جمهورية مصر العربية وقد بلغتِ السن القانونية لحملها على النحو المبين بالتحقيقات؟ 

ج بطاقتي في العربية ومش معايا دلوقتي. 

س ما هو مؤهلك الدراسي؟ 

لیسانس حقوق وحاصلة على دبلوم في القانون الدولي 

س: ما هو طبيعة عملك واختصاصك الوظيفي؟ 

ج: أنا أعمل مدربة أسود ومساعد مدرب في سيرك الدولة و لدي سيرك خاص بي. 

س: منذ متى وأنتِ تباشرين ذلك الاختصاص الوظيفي؟ 

ج من حوالي ٣٣ سنة 

س: هل حصلتي على رخصة التدريب الحيوانات المفترسة من الجهات المختصة؟ 

ج: أيوة أنا حاصلة على رخصة إقامة سرك والرخصة دي من ضمنها بيكون تدريب الحيوانات المفترسة اللي زي الأسود والنمور 

س: منذ متى وأنتي حاصلة علي تلك الرخصة؟

ج: من حوالي ١٠ سنوات. 

س: من أي الجهات المختصة حصلتي على ذلك الترخيص؟ 

ج: من وزارة الثقافة 

س: ما هي طبيعة ذلك الترخيص تحديداً ؟ 

ج: هو أنا حاصلة على عدة رخص منها ترخيص صادر من وزارة الثقافة ومضمونة إقامة سرك والتعامل مع الحيوانات المفترسة كوني مساعد مدرب بالسرك الدولي وحاصلة على دبلومة من روسيا وأيضاً حاصلة على ترخيص من وزارة البيئة ومضمونة ترخيص ليا باقتناء الحيوانات المفترسة وحيازتها. 

س: هل معك تلك التراخيص سالفة البيان تحديداً الآن؟ 

ج: هي معايا دلوقتي وأنا تعهدت بتقديمها. 

س: ما الذي حدث وما هي ظروف ضبطك وعرضك علينا الآن وما هي أوجه دفاعك تحديداً ؟ 

ج: هو اللي حصل إن إمبارح بتاريخ ١-٤-٢٠٢٥ حوالي الساعة ١١:٠٠ مساءً أنا كنت في عرض السيرك المقام في منطقة المعرض بدائرة قسم شرطة أول طنطا محافظة الغربية وأثناء قيامي بأداء العرض أو الشو داخل القفص الحديدي ومعي حيوانات مفترسة عبارة عن أربعة نمور وأسد وأثناء ذلك قام العامل مساعد مدرب الأسود المصاب محمد ابراهيم عبد الفتاح أحمد بمد إيده من بين حديد القفص الحديدي و كان بيخبط على الكرسي اللي بيجي عليه النمر يوكا والنمر فعلا راح على الكرسي و فجأة هجم على ذراع محمد ابراهيم الشمال وأنا فضلت أضرب النمر من ورا بالكرباج اللي كان معايا عشان يسيبه و الناس اللي كانت واقفة برا القفص كانت بتشد محمد بعيد عن النمر. 

وبعد كدة طلعنا بيه على مستشفى طنطا الجامعي لإجراء الإسعافات الأولية ليه، وأنا دائماً بحذر العاملين بالسيرك إن محدش يمد أيده داخل القفص اللي فيه النمور والأسد طالما أنا موجودة لأن ممكن الحيوانات المفترسة دي بتهجم على اللي بيمد إيده وتحدث إصابته، وهو ده كل اللي حصل. 

س: متى وأين حدث الحادث؟ 

ج: الكلام ده حصل إمبارح بتاريخ ١-٤-٢٠٢٥ حوالي الساعة ١١:٠٠ مساءً في السيرك بتاعي اللي في منطقة المعرض بدائرة قسم شرطة أول طنطا محافظة الغربية 

س: ملك من السيرك محل الحادث تحديداً ؟ 

ج: ملكي 

س: أين يقام ذلك السيرك تحديداً ؟ 

ج: في منطقة المعرض بدائرة قسم شرطة أول طنطا محافظة الغربية

س: ملك من الأرض التي يقام عليها ذلك السيرك؟ 

ج: هي أرض ملك محافظة الغربية. 

س: ما هو سند اقامتك لذلك السيرك بقطعة الأرض الخاصة بمحافظة الغربية؟ 

ج: أنا مأجرة قطعة الأرض التي يقام عليها السيرك دي من محافظة الغربية. 

س: ما هي القيمة الإيجارية لتلك الأرض تحديداً ؟ 

ج: أنا مأجراها بمبلغ ٧٠ ألف جنيه في الشهر 

س: هل يوجد عقد اتفاق بذلك؟ 

ج: أيوة، فيه عقد بكدة والعقد أصله في محافظة الغربية ومش معايا 

س: هل من ضمن بنود ذلك العقد المبرم بينك وبين ديوان عام محافظة الغربية إقامة سيرك يحتوي على حيوانات مفترسة كالأسود والنمور؟ 

ج: أبوة طبعا العقد متضمن كدة. 

س: هل حصلتي علي موافقات الجهات المختصة بمحافظة الغربية عامة لإقامة سيرك يحتوي على حيوانات مفترسة كالأسود والنمور؟ 

ج: أيوه ، أنا حاصلة على موافقة الدفاع المدني وموافقة محافظة الغربية وموافقة مديرية الأمن وموافقة الأمن الوطني وموافقة البيئة وموافقة الطب البيطري من القاهرة على إقامة سيرك يحتوي علي حيوانات مفترسة كالأسود والنمور بأرض المعرض بدائرة قسم شرطة أول طنطا محافظة الغربية. 

س: أين تلك الموافقات الآن؟ 

ج: هي مش معايا دلوقتي واتعهد بتقديمها. 

س: ما هي طبيعة عمل المصاب المدعو محمد ابراهيم عبد الفتاح 

ج: هو يعمل في السيرك بتاعي وبيطلق عليه مساعد مدرب أسود وسایس 

س: وما هو المقصود من عبارة مساعد مدرب و سایس حیوانات؟ 

ج: مساعد مدرب هو بيكون مساعد للكابتن التي داخل القفص و لكن من خارج القفص و ذلك اثناء القيام بالعرض الاستعراضي بحيث انه يقوم بأعطالي الطعام (لحمة) لـ الأسود والنمور اثناء العرض، وسايس حيوانات هو المسئول عن العناية الشخصية للحيوانات ومن ضمنها الأسود والنمور من حيث الأكل والشرب وكل ما يخص العناية الشخصية للحيوانات 

س: منذ متى وهو يمتهن ذلك العمل؟ 

ج: هو شغال معانا من حوالي خمس سنين. 

س: وهل يمتلك المصاب محمد ابراهيم عبد الفتاح أحمد تراخيص المزاولة تلك المهنة؟ 

ج: هو مفيش ترخيص للعمال عموما لأنهم مش بيدخلوا القفص أثناء العرض و حتى وهو بيأكل الحيوانات بتكون وقتها في القفص بتاعها و بيرمي الأكل من برا 

س: ما هي كيفية استعراضك بالحيوانات المفترسة تحديداً؟ 

ج هو أنا بأكون مع الأسود أو النمور في قفص حديدي مؤمن ومحكم الغلق وبأقوم بعمل حركات للأسود أو النمور تم تدريبهم عليها وهم بينفذوها كجزء من الشو أو الاستعراض للجمهور. 

س: أين تحصلتي على تلك الحيوانات المفترسة تحديداً؟ 

ج أنا عيلتي أصلاً كلها مدربين أسود ونمور وعندنا أسود ونمور وكمان بأستوردهم من جنوب أفريقيا وواخدة موافقات من كافة الجهات المختصة باستيراد النوعيات دي من الحيوانات. 

س: ما هي مواصفات الحيوان المفترس الذي أحدث إصابة المدعو محمد ابراهيم عبد الفتاح أحمد ؟ 

ج هو نمر أنثي ولونها أبيض واسمة بوكا.

س: ملك من ذلك الحيوان تحديداً ؟ 

ج: هو ملكي 

س: ما هي كيفية حدوث إصابة المصاب محمد ابراهيم عبد الفتاح أحمد تحديداً ؟ 

ج: أثناء قيامي بأداء العرض أو الشو داخل القفص الحديدي ومعي حيوانات مفترسة عبارة عن أربعة نمور وأسد وأثناء ذلك قام العامل مساعد مدرب الأسود المصاب محمد ابراهيم عبد الفتاح أحمد بمد إيده من بين حديد القفص الحديدي وكان بيخبط على الكرسي اللى هتعقد عليه النمرة بوكا و فجأة هجمت علي إيده الشمال وعورته. 

س: ما هو سبب افتراس ذلك الحيوان المفترس 'النمر' ليد المصاب سالف الذكر تحديداً ؟ 

ج: ده أمر وارد الحدوث في الشغلانة بتاعتنا وانا محذرة كل العمال اللي شغالين معايا في السيرك بالتعامل بحرص شديد مع الحيوانات المفترسة و بالخصوص أثناء العروض، لأن الحيوانات دي في الوقت ده بتعتبر أي حد بيدخل ايده القفص انه دخيل عليها وبتحاول تدافع عن نفسها وأنا محذرة كل العمال التي في السيرك إنهم يعملوا كدة. 

س: صفي لنا مكان الحادث تحديداً ؟ 

ج: هو أنا كنت جوا ققص حديدي داخل السيرك ومعايا داخل القفص 4 نمور وأسد. 

س: هل رافقك أي شخص داخل ذلك القفص الحديدي رفقة تلك الحيوانات المفترسة؟ 

ج: لا باكون أنا لوحدي معاهم وبيكون برا القفص العمال وبعيد عن القفص بيكون الجمهور. 

س: صفي لنا مكان تواجد المصاب سالف الذكر تحديداً حال وقوع الحادث له؟

ج: هو كان واقف قدام القفص وبالتحديد قدام الكرسي اللي بتقعد عليه النمرة بوكا و كان يحيط على الكرسي و من تحت على الكرسي و فجاء هجمت على ذراعه الشمال 

س: و ما التصرف الذي بدر منك ؟ 

ج: انا على طول جريت على النمرة و فضلت اضرب فيها بالكرباج اللي كان معايا عشان تسیب ذراع  محمد 

س: وما هي الحالة التي كانت عليها تلك الحيوانات المفترسة و بالخصوص النمر الذي يدعي (بوكا)؟ 

ج: هو كان طبيعي و كان واكل قبل الاستعراض و شبعان و ده كان الاستعراض الثاني للحيوانات المفترسة 

س: وما هي المدة الفاصلة بين الاستعراض والآخر؟ 

ج: هي مده الاستعراض بتكون حوالي ۱۲ دقيقة وبيكون بين الاستعراض والآخر ساعتين 

س: وهل قمتي بإطعام تلك الحيوانات بين الاستعراضات ؟

ج: هي الحيوانات دي بتاكل مرة واحدة في اليوم ويتكون في الفترة الصباحية واكلة وبيكون عبارة عن لحوم. 

س: هل قام ذلك الحيوان المفترس (نمر) بمثل تلك الافعال من قبل؟ 

ج: لا دي أول مره تهجم علي بني آدم. 

س: و ما السبب وراء قيام ذلك الحيوان المفترس (النمر) بارتكاب مثل تلك الافعال؟ 

ج هو زي ما قولت لحضرتك قبل كدة إن الحيوانات المفترسة اثناء العرض بتعتبر أي حد بيدخل ايده القفص انه دخيل عليها وبتحاول تدافع عن نفسها وأنا محذرة كل العمال اللي في السيرك إنهم يعملوا كدة. 

س: هل يوجد شاهد علي تلك الواقعة؟ 

ج: كل اللي شغالين في السيرك والجمهور شافوا اللي حصل 

س: ما قولك فيما قررتيه استدلالاً بتاريخ ١-٤-٢٠٢٥ 

ج: أيوة ، هو ده اللي حصل وأنا قولت علية دلوقتي. 

س: ما هي صلتك بالمصاب محمد ابراهيم عبد الفتاح أحمد وهل توجد ثمة خلافات بينك وبينه؟ 

ج: هو يعمل عامل في السيرك بتاعي ويطلق علية مساعد مدرب أسود ، وما فيش خلافات بينا. 

س: ما هي الحالة الصحية لسالف الذكر جراء ذلك الحادث؟ 

ج: أنا بعد ما وديته المستشفى روحت على قسم أول طنطا وما عرفش عن حالته الصحية دلوقتي حاجة. 

س: هل تم ضبطك في قضايا مماثلة؟ وهل لديك ثمة سوابق 

ج: لا 

س: أنتِ متهمة بإحداث إصابة المجني عليه محمد إبراهيم عبد الفتاح أحمد - خطأ وكان ذلك ناتجًا عن إهمالك وعدم مراعاتك للقوانين واللوائح بأن أحدث به الحيوان المفترس ' النمر ' 

ج: الكلام ده محصلش 

س: أنتِ متهمة بعدم حملك بطاقة تحقيق الشخصية الخاصة بك حال كونك أحد رعايا جمهورية مصر العربية وقد بلغتي السن القانونية لحملها على النحو المبين بالتحقيقات؟ 

ج: بطاقتي في العربية ومش معايا دلوقتي 

س: هل لديكِ ثمة أقوال أخري؟ 

القرار..

أولا: إخلاء سبيل المتهمة محاسن مدحت محمد علي - بضمان محل اقامتها ما لم تكن مطلوبة لاي تغير قانوني. 

ثانيًا: طلب تحريات المباحث حول الواقعة وظروفها وملابستها.