محمد صبحي: انزعجت من إطلاق "تكوين" الموضوع تحول إلى فتنة (فيديو)

أكد الفنان محمد صبحي، أنه انزعج حين أعلن إطلاق مركز 'تكوين' مشيرًا إلى أن الموضوع تحول إلى مكلمة وصراع ديني وفتنة.

وقال صبحي خلال برنامج 'نظرة' المذاع على قناة 'صدى البلد': 'بقت مكلمة تانية وصراع، بين ناس مندوبين ربنا وناس بيقولوا احنا اللي مندوبين ربنا، وأنا اعتقد أن الشيخ الدكتور احمد الطيب كان ليه تحفظ في اننا نعمل حوارات، هاتوا بس أهل الدين هما اللي يتكلموا'.

وأضاف: 'كان زمان كده ممنوع أي حد يطلع كده ويهرتل؛ كان في برامج دينية فعلا بتوعينا وبنسمعها وبرنامج واحد في الأسبوع انما لما تعملها مكلمة ونكلم انا اسف مش هي دي القضية اللي مأخرانا؛ زي ما قلت مرة انتوا بتدرسوا للأطفال الإخوان لما كانوا منتشرين في المدارس معلمين كانوا بيدرسوا للأطفال الجهاد'.

وتابع: 'طفل لسة في أولى ابتدائي ودي فرصة أنه يفسر هذه الاية باللي يهواه يقولك ممكن تمسك سكينة وتقتل أي واحد مبيصليش ويقوله هو دا الجهاد أي كلام بقي، اختاروا الايات اللي يدرسها التلميذ، عندنا أجزاء وعدد ايات وحاجات زي كده ونقول بنقسم ده لغاية لما نخلص ثانوية عامة انما وهو صغير اسيب معلم قد تخونه مهنته أنه يبث أفكار'.

واختتم: 'أنا مش شايف أن لتكوين لازمة، لما بتقولي أنت بتدافع عن قضية ايه؟ بدافع عن ان يبقي في حرية في التفكير بس متبقاش خناقة فتنة، ناس بتقولك عايزين نمسك الائمة كلهم كده ونمسح كلام اللي بيقولوه، هل الأمة الإسلامية معقول دول ماسكين الأئمة وكل الكتب دي عشان يقروها؟ أنت خايف من إيه'.