"بترجعوا تزعلوا".. شوبير يهاجم مجلس الزمالك بسبب صلاح مصدق

هاجم الإعلامي أحمد شوبير، مجلس إدارة نادي الزمالك، بعد قرار فسخ عقد المغربي صلاح مصدق، وذلك لعدم حصوله على مستحقاته المالية.

وكان صلاح مصدق قد قرر فسخ عقده من طرف واحد لعدم حصوله على مستحقاته المالية، وعدم المشاركة في المباريات.

أحمد شوبير: اتصالات من الزمالك لحل الموضوع ودي

قال شوبير في تصريحات إذاعية: 'مش عارف الحقيقة، هل في فرصة لعودة صلاح مصدق للزمالك مرة تانية ولا مفيش فرصة؟ أنا أعتقد إنه ممكن يكون في فرصة'.

وأضاف: 'الزمالك بيعمل اتصالات في الوقت الحالي مع اللاعب للوصول لحل ودي معاه، ودا عشان ما يشتكيش، طب هل هياخد مستحقاته المتأخرة وميطلبش عقده بالكل؟ ولا هيعمل شكوى ضد النادي ويعملوا مخالصات ويقفلوا الملف ده؟'.

وتابع: 'لو كانت الظروف كلها في صالحه بتقول إنه ياخد عقده بالكامل واللوائح كلها في صفه، طب إنت ما إديتوش مستحقاته ليه؟'.

وواصل حديثه 'بترجعوا تزعلوا لما نتكلم ونقول كلمتين، هو في إيه يا جماعة؟، ما أنت برضو لازم تكون دارس حساباتك وخطواتك كلها أول بأول'.