اخبار مصر
موقع كل يوم -الرئيس نيوز
نشر بتاريخ: ٩ كانون الثاني ٢٠٢٥
أكد الإعلامي مصطفى بكري أن الدولة تحتاج إلى يد قوية تواجه انفلات الأسعار وتسيطر على الأسواق، مشيرا إلى أن الأجهزة الرقابية لابد أن تتخذ إجراءات قوية.
وقال بكري خلال برنامج 'حقائق وأسرار' المذاع على قناة 'صدى البلد': 'نطلب من الدولة مواجهة غلاء الأسعار بكل قوة وبكل إيمان'.
وأضاف: 'النهاردة الأرز زاد 12% ليه؟ بتعملوا كده ليه والتجار بتعمل كده ليه وبتستغل ليه؟ النهادرة أجيب كيلو الأرز بـ32 و34 جنيها مين اللي بيديكم الفرصة دي وفين الأجهزة الرقابية عشان تراقب دا وتاخد إجراءات عنيفة ضد هؤلاء'.
وتابع: 'إحنا محتاجين لأيدي ثقيلة وقوة تلم الهيصة اللي موجودة دي أي حد يرفع الأسعار براحته أي حد يعمل أي حاجة براحته لا متسيبوش الدولة تفك نتيجة هذه الإجراءات، وكل واحد يشتغلي بمزاجه ويغلي السعر بمزاجه مينفعش هذا الكلام'.
وأكمل: 'إحنا ياريس دايما بنطالب بالتغيير إلى الأفضل اللي مبيشتغلش يروح واللي مبيشتغلش يتكل على الله اللي قاعد ومتكل على أنه إلى ما بعد الانتخابات عليه أنه يراجع نفسه رئيس الدولة قال بعد 6 شهور كله هيتقيم كبيرا أو صغيرا'.
وواصل: 'عشان كده إحنا مطمئنين مطمئنين أن البلد دي وهي ماشية تتخلص من العناصر اللي متنفعش تاخد إجراءات من شأنها ترد الاعتبار لأشياء كثيرة أهدرت الفترة الماضية ومش معنى أننا بنتكلم وبنقول يا جماعة هاتوا القيادة جنبا إلى جنب مع الناس مش معناه أن إحنا نقف في المعسكر المضاد ونبتدي نشكك في ثوابت ومؤسسات الدولة.
واختتم: 'فرق كبير جدا بين أنك تطلع الحاكم على أمور عبر وسيلة مشروعة اسمها الإعلام أو مجلس النواب وبين أنك تبقى مجرد أداة تحركها قوى أجنبية أو قوى ذات مصلحة في الداخل هدفها أنها تكسر البلد دي'.
