أول رد رسمي من أحمد سيد زيزو على التوقيع للنادي الأهلي

خرج أحمد سيد 'زيزو'، نجم نادي الزمالك، عن صمته ليرد على الشائعات المتداولة مؤخرًا بشأن تجديد عقده أو توقيعه لنادٍ آخر.

وقال زيزو، في بيان عبر حساباته الرسمية على مواقع التواصل الاجتماعي، أنه لم يوقّع لأي نادٍ داخل أو خارج مصر، مطالبًا كل من يزعم عكس ذلك بأن يخرج علنًا ويعرض الدليل.

وأضاف زيزو: 'كل ساعة يطلع خبر عن توقيع أو تجديد عقدي، وكل واحد بيغازل الشريحة اللي عايزها من الجمهور. أحب أوضح بكل وضوح إني لم أوقّع لأي نادٍ سواء داخل أو خارج مصر، واللي عنده دليل يطلع ويعلنه على الملأ'.

'بُعد الإعلام عن الحقيقة.. وسكوتي لا يعني الرضا'

وانتقد اللاعب ما وصفه بـ'الصورة غير الكاملة' التي يتم تداولها في الإعلام، قائلًا: 'للأسف، الأمور في الإعلام كلها في اتجاه واحد، ومحدش اتكلم عن حقوقي المشروعة كلاعب، ولا عن المستحقات المتأخرة اللي ليا من فترة طويلة، ولا حتى عن إن محدش فتح ملف تجديد عقدي إلا مؤخرًا جدًا'.

'عروض خارجية بخمسة أضعاف.. لكني منتظر النادي'

وتابع زيزو: 'ربنا أكرمني بعروض قيمتها المالية خمسة أضعاف اللي اتعرض عليا هنا، لكني رغم كده منتظر كلمة النادي. أنا مش بزايد ولا بتاجر، لكن لازم الطرف التاني كمان يكون عايزني أكمل، ويكون في استجابة حتى لربع المعروض خارجيًا'.

'أنا مش هجرح في حد.. لكن الحقيقة لازم تتقال'

وأضاف: 'مش من طبعي أتكلم في حق حد، واللي بيتقال في الجلسات مينفعش يتقال برة. أنا مستني رد النادي لحد آخر يوم في الكونفدرالية، وأي كلام عن توقيع أو تجديد قبل الوقت ده غير صحيح'.

رسالة إلى مسؤولي الزمالك

واختتم زيزو بيانه برسالة مباشرة إلى إدارة النادي: 'أتمنى يكون الحوار بيني وبينكم مش عن طريق الإعلام. كنت وما زلت واضح في كل الأمور اللي طرحتها، وهي أمور عادلة تساعد على استمراري. بشكر كل من يتفهم موقفي، وأتمنى التوفيق ليا ولزمايلي ونكمل المشوار مع الزمالك'.