شوبير عن أزمة الأهلي مع وزارة الرياضة: مفيش داعي للخناقة

انتقد الإعلامي أحمد شوبير حارس مرمى الأهلي ومنتخب مصر السابق الأزمة المشتعلة حاليا بين النادي الأهلي ووزارة الشباب والرياضة بشأن قانون الرياضة الجديد.        

وقال أحمد شوبير في تصريحات إذاعية: “امبارح تم كشف النقاب عن مراسلات ما بين وزارة الشباب والرياضة واللجنة الأوليمبية الدولية وده اللي زعل البعض لما قولته من فترة، ومش عارف زعلهم في أيه ده، ما طبيعي يبقى فيه خلاف وهات وخد إلى أن نصل في النهاية إلى قرار”.

وأضاف شوبير: “اللي عايز أقوله إن بنود قانون الرياضة من صنع البشر قابلة للنقاش والتعديل والحديث حولها والقصد في النهاية إن إحنا عايزين نطلع قانون سليم ما يخرش الماء، مش كل شوية نعدل فيه وأتمنى في النهاية أن نصل إلى نقطة اتفاق بين الجميع الوزارة واللجنة الأوليمبية والأندية خاصة الأندية الشعبية”.

وتابع شوبير: “أنا مش شايف أصلا فيه داعي للخناقة حضرتك عندك بنود قولها واطرحها والناس تتكلم وتحكي وتقول وفي النهاية هنوصل لاتفاق”.