إلهام عبد البديع تعلن انفصالها عن الملحن وليد سامي: ”اللي حصل سوء تفاهم”

كشفت الفنانة إلهام عبد البديع عن طلاقها من الملحن وليد سامي، وأوضحت أن الخلاف الذي حدث بينهما وتم تداول أخباره عبر مواقع التواصل الاجتماعي كان بسبب سوء تفاهم.

وظهرت إلهام عبد البديع في فيديو عبر حسابها على 'فيسبوك' لتوضح بعض الأمور: 'أنا طالعة دلوقتي عشان أوضح سوء التفاهم اللي حاصل على مواقع التواصل الاجتماعي بخصوص موضوع وليد طليقي أنا عايزة أقولكم أن أنا ووليد انفصلنا من 5 أيام فالبتالي في مواضيع بينا ليها علاقة بالمشاعر، إحنا اتجوزنا وإحنا بنحب بعض وانفصلنا وإحنا برضو بنحب بعض، اللي حصل سوء تفاهم'.

وتابعت إلهام عبد البديع: 'أنا عايزة أقولكم إن إحنا انفصلنا بكل احترام وأدب وشياكة وحتى مأعلناش الطلاق عشان كنا بنتقابل ومتخيلين أن ممكن يكون لسه فيه نصيب بينا ممكن نتصالح وممكن نرجع اللي حصل اندفاع ناتج عن مشاعر بيحصل بين أي اتنين مرتبطين وبيحبوا بعض حتى لو كانت الحياة بينهم بقيت صعبة في الجواز أنا عايزة أقول بس ربنا يوفقة في حياته، أنا وليد مشفتش منه غير كل خير أنا بتمناله حياة سعيدة لأن مكنش في بينه وبيني غير كل خير وسعادة، ربنا يوفقه في حياته اللي جايه ويكرمه ويحقق له كل أحلامه'.

كما كتبت إلهام عبد البديع تعليقا على الفيديو: 'للتوضيح عن الأخبار الكذابة والمنتشره على وليد سامي، لم يتم القبض عليه واللي حصل كان سوء تفاهم ومن يومين وخلص وحقيقي أن تم الانفصال بنا واحنا بنا كل احترام والتقدير، وأنا مشوفتش منه غير كل خير ربنا يسعده ويعملنا الصالح'.

وكانت الفنانة إلهام عبد البديع، قد استنجدت بكمين أمني، بدعوى تعرضها للمطاردة من طليقها المنتج والملحن وليد سامي، على محور 26 يوليو بمنطقة كرداسة في الجيزة، وانتهى الأمر بمحضر تصالح.

يذكر أن إلهام عبد البديع كانت انفصلت عن زوجها في أكتوبر الماضي، ثم أعلنت عن عودتهما مجددا.