أحمد موسى: جماعة الإخوان ذراع لنتنياهو والكيان الصهيوني

أكد الإعلامي أحمد موسى أن جماعة الإخوان الإرهابية تعد ذراع لرئيس وزراء الاحتلال الإسرائيلي بنيامين نتنياهو وللكيان الصهيوني.

وقال موسى خلال برنامج 'على مسؤوليتي' المذاع على قناة 'صدى البلد': 'الناس تقول لك معقوله الإخوان بيشتغلوا؟ طيب أديكم عرفتوا إن الإخوان مش بيشتغلوا، ده هم اللي بينفذوا تعليمات نتنياهو، يعني إسرائيل عايزه إيه؟ عايزين يدمروا مصر عايزين هم نفسهم يدمروا مصر. دول ودول، الاثنين مع بعض، الاثنين مع بعض فنعمل إيه؟'.

وأضاف: 'شرحت لكم الأسبوع اللي فات، زي النهارده، الملف المسكوت عنه والخطة بتاعة 2010، شرحتها لكم بتفاصيلها، واللي عايزينه مصر، وهيعملوا الترتيبات كلها إلى ما حدث في 2011، إلى ما حدث، وربنا كرمنا في 30 يونيو و3 يوليو'.

وتابع: 'هذه العلاقة، لازم كل مواطن يعلم حقيقة جماعة الإخوان الإرهابية فهي ذراع للصهاينة ذراع لنتنياهو ذراع الكيان الصهيوني المجرم ذراعه مش بتشتغل وخلاص، مرة واثنين ومليون مرة، لما حضرتك تشوف هذه العلاقة، تشوف اللي حصل قدام السفارة المصرية في تل أبيب'.

وواصل: 'حركة السفارة المصرية في تل أبيب أولًا، قسم الأخوات، خلي بالك، الإخوان عندهم أقسام قسم أخوات، قسم طلبة، قسم للدعوة، قسم للبراعم، قسم للنقابات، قسم للتبرعات، قسم... وجناح خاص، الجناح العسكري اللي هو حركة حسم الإرهابية دي أقسام موجودة داخلها، لو تعرف الإخوان، هم اللي أنا بقولك عليهم كده والمكاتب الإدارية ففي مكتب في إسرائيل، مكتب إداري. المكتب الإداري ده يدير التنظيم داخل إسرائيل مرتبط بإيه؟ مرتبط بالتنظيم الدولي'.

وأوضح: 'المكتب كان مرتبط بيهم لما كانوا موجودين في مصر النهارده التنظيم ما بقاش موجود في مصر، بقي فين؟ موجود في تركيا أو موجود في لندن ما بين تركيا ولندن'.

وأكمل: 'التنظيم الدولي مين مرتبط به؟ المكتب الإداري اللي موجود في إسرائيل القاعدة في داخل إسرائيل، مين بيقوده؟ بس نتكلم بالراحة عشان الأمور تبقى واضحة كمال الخطيب ده إسرائيلي إخواني عضو في مؤسسة محمد مرسي عيسى العياط اللي عملوها بعد ما مات محمد مرسي. لكن اتكلم على المؤسسة دي، إنه مرصود لها 2 مليار دولار من الخصوم، من الخصوم الذين يديروا هذه المؤسسة مين عضو مؤسس فيها؟ مجلس أمناء: كمال الخطيب الإسرائيلي الإخواني، كمال الخطيب ومعاه رائد صلاح الإسرائيلي الإخواني'.