ياسمينا العبد: خفت أكون مش قد المسؤولية في «ميدتيرم» بهذه المرحلة العمرية

كشفت الفنانة ياسمينا العبد عن كواليس مشاركتها فى مسلسل «ميدتيرم»، الذى حقق نجاحا كبيرا منذ عرض أول حلقاته.

وأوضحت ياسمينا خلال لقائها فى برنامج «ست ستات» المذاع على قناة DMC مع الإعلامية جاسمين طه زكى، أنها شعرت بحالة من القلق والتردد فور قراءتها لسيناريو العمل، مواصلة: «مسلسل ميدتيرم كان فيه خضة وقلق.. لإنى مكنتش مستوعية أنه ممكن يتعرض دلوقتى فى المرحلة العمرية اللى أنا فيها».

وتابعت: «كنت عايزة أعمل مسلسل زى ميدتيرم جدا وبحلم بيه، لكن كنت قلقانة مكونش قد المسؤولية دى دلوقتي».

وتحدثت ياسمينا عن كواليس أولى مشاهدها فى مسلسل «ميدتيرم»، مشيرة إلى أن أول مشهد قدمته، كان مشهد مع الفنانة الشابة جلا هشام، موضحة: «أول مشهد فى مسلسل ميدتيرم.. كان بتاع جلا هشام لما كنا قاعدين على السلم.. لما كانت بتقول إنها عايزة دكتور فرويد.. ده كان أول مشهد صورناه.. من المشهد ده عرفت إننا داخلين على حاجة مش هزار».