جابلها الفرد من المكتبة.. عريس الإسماعيلية يكشف مفاجآت عن حادثة إشعال شعر زوجته

قدمت الإعلامية نهال طايل فقرة خاصة من برنامج 'تفاصيل' المذاع على قناة 'صدى البلد2'، مع عبده عريس الإسماعيلية، زوج العروس الشهيرة بـ 'صاحبة واقعة سقوط الشعر'.

كشف عبده خلال لقائه مع الإعلامية نهال طايل، عن تفاصيل الواقعة، قائلا : «اتفقت مع زوجتى إنها تعمل ميكب يوم الفرح بس، ويوم الفرح قالت عايزة أعمل شعرى عندى الكوافيرة برضه، طلبت فرد شعر، روحت جبته من المكتبة».

وقال عريس الإسماعيلية: «وصلت الفرد للكوافير وسبتها مع 2 أختي وزوجة أخويا، وبعدين روحت كان عندى حاجات لسه بكملها فى الشقة، ومراتي خلصت كلمتنى روحت خدتها من الكوافير وقالتلى روحنى بيت أهلي».

وأكمل عريس الإسماعيلية: «بعد 5 دقايق كلمونى قالولى مراتك شعرها اتحرق بسبب الفرد اللى الكوافيرة استخدمته لشعرها، قولتلهم أنا عايز مراتي زى ما هى كده وأنا هعالجها بس أهلها قالوا لاء مش هتخدها سبتها، وتانى يوم روحت معاه للدكتور وكتبلها علاج».