نهال طايل تنتقد بسمة بوسيل: ليه تشوهي صورة أبو أولادك بعد قصة حب (فيديو)

وجهت الإعلامية نهال طايل، رسالة للفنانة بسمة بوسيل طليقة الفنان تامر حسني، بعد تصريحاتها الأخيرة.

وقالت نهال طايل، خلال برنامج «تفاصيل»، المذاع على قناة صدى البلد 2: «غريب مع 3 أطفال، خطأ واكتئاب ودمار نفسي وحياة صعبة، ليه مع 3 أطفال مصححناش الخطأ!، ليه تبقي أم بـ 3 أطفال غير لو إنتي زوجة مستقرة راضية سعيدة مرتاحة».

وتابعت نهال طايل: «ليه بعد سنتين ونصف تطلعي تشوهي صورة راجل كان بينك وبينه قصة حب على الملأ، كان بيقبل إيديها دايمًا وتظهر معه في كل الحفلات والأماكن ويحتضنها، كانت علاقة كلها حب ومشاعر وعطاء، هل كل هذا كان مزيف؟، بعد ما يقرب من 3 سنين ليه تطلعي تتكلمي عن أبو أولادك كده؟».

وتابعت نهال طايل: «يعني إيه عايزة حد مسلم؟ هل مكنتيش متجوزة راجل مسلم؟، شوفنا النجم الكبير عمرو دياب اتجوز شيرين رضا وانفصل وزينة عاشور وانفصل ودينا الشربيني وانفصل ولحد دلوقتي منعرفش ولا حكاية.. ومحمود العسيلي اتجوز 4 مرات منعرفش أي حاجة عن اللي انفصلوا، والفنان محمد حماقي انفصل عن زوجته ورجعلها وفي فترة الانفصال متكلموش عن بعض، وتامر عاشور اتجوز سمر أبو شقرة وانفصل واتجوز دلوقتي نانسي نور ومحدش عارف أي حاجة».

واختتمت نهال طايل: «ليه قررتي تعملي كده، إيه وصلك لكده راجعي نفسك قبل فوات الأوان».