إبراهيم سعيد يوجه رسالة لزيزو بشأن مستواه في بطولة السوبر

وجه الإعلامي إبراهيم سعيد، رسالة إلى أحمد سيد زيزو نجم نادي الزمالك، بشأن المستوى الذي ظهر به في بطولة السوبر المصري.

وقال إبراهيم سعيد في تصريحات تليفزيونية عبر قناة 'النهار': ' زيزو من اللاعيبه المحترمة جدًا وبحبها على المستوى الشخصي،لاعب مميز ومؤثر، ولكن أنا بتكلم عشان نفسي يفضل على مستواه، ومن الممكن أن يكون تركيزه في التجديد من عدمه يكون مأثر عليه'.

وأضاف: 'الناس اللي بتطلع تتكلم على زيزو بشكل مبالغ فيه وبتدعمه وبتسانده، الكلام ده بيضره مش بيفيده، والناس الواعية لازم تفهم دهلما يبقى مستوى متراجع لازم يقولوا ويتكلموا عشان يحسن مستواه'.

وتابع : 'زيزو لاعب كبير ونفسي أشوف مستواه وإمكانياته في الملعب دايمًا، زي مالناس بتقول إنه أحسن لاعب في مصر، دي حقيقةمحدش يقدر ينكرها، ولكن لازم ميعتمدش على اسمه فقط، عشان لو على اعتماد الأسامي فأرجع أنا ألعب كورة بقى'.

واوضح: 'مينفعش توصل لمرحلة أنك تكون عارف أن مستواك وحش، وبتقول حتى وأنا وحش الناس شيفاني كويس ومحدش هيقدريهاجمني، في ناس مبتخافش وأنا لو شايفك كويس هقول كويس ولو العكس هقول أنه مستواه سيء'.

وواصل: 'أنا مفيش بيني وبينه وش بتربطني علاقة بحد، عايز أشوف زيزو جوه الملعب عايزه يظهر إمكنياته عشان هيفرق مع الزمالكوالمنتخب الوطني، ولو هو فاكر أن في بيني وبينه حاجة ف ده غلط، ولو حد موصله كدة فأنا مش بسمع لحد'.

وأتم :'اللي بيني وبين أي لاعب هو الملعب فقط، رد عليا في الملعب، زي ما حسام عبدالمجيد رد عليا بمستواه المتميز مع الزمالك الفترةالماضية، وعمر جابر، وعبدالله السعيد، وناصر ماهر، ومحمد عواد، وكل دول إدنالهم حقهم، ومقدرتش اتجاهل الأداء المميز ده'.