بعد تعرضها لحادث في تايلاند.. مي الغيطي تتصدر التريند

مي الغيطي.. تصدرت الفنانة مي الغيطي تريند جوجل خلال الساعات الماضية وذلك بعد الكشف عن تعرضها لحادث سير في تايلاند تسبب في اختفائها عن الجمهور ومواقع التواصل الاجتماعي خلال الشهور الماضية.

وكانت مي الغيطي شاركت متابعيها عبر حسابها بموقع الصور والفيديوهات «إنستجرام» صور من كواليس رحلة علاجها وعلقت قائلة: «في ناس كتيرة بتسألني أنا كنت مختفية ليه.. كنت في حادثة حصلت في تايلاند، اتخبطت بعربية نقل في العربية اللي كنت فيها، واتصبت إصابات بالغة، حصلي كسر في حوضي، وإصابة في العمود الفقري، وكان عندي إصابات داخلية ونزيف داخلي وتلف في الأعصاب في رجلي».

وأضافت: «قعدت في المستشفى أسابيع في تايلاند ورجعت مصر عشان أكون مع أهلي وأتعالج وسط دعمهم، مكنتش حابة أشارك اللي حصل وقتها، كنت محتاجة وقت أتعافى بعيد عن أي ضغط».

وتابعت: «بعد علاج طبيعي فتره وكل شوية نكتشف حاجة جديدة انا دلوقتي أحسن بكتير جدا الحمد لله ودي حاجة محدش كان متخيلها بعد فتره نسبيًا قليلة، حاسة إني كنت عايزة أشارك ده دلوقتي عشان أقول أن الجسم عنده قدرة رهيبة على الشفاء.. أقوى بكتير مما نتخيل وأن التعافي بياخد وقت، بس بييجي. لو انت بتمر بوقت صعب».

واختتمت مي الغيطي حديثها بتوجيه نصيحة لجمهورها قائلة: «أرجوك كون صبور مع نفسك عشان عدم فقدانك إيمانك انك هتكون أحسن بجد بيفرق في قدرتنا على تحمل الصعاب».

وكان آخر أعمال مي الغيطي، مشاركتها في مسلسل مسار إجباري، الذي تم عرضه في دراما رمضان الماضي 2024.

ضم مسلسل مسار إجباري عدد من الفنانين أبرزهم: أحمد داش، عصام عمر، صابرين، بسمة، ياسمينا العبد، مي الغيطي، رشدي الشامي وعدد آخر من الفنانين، وسيناريو وحوار أمين جمال، محمد محرز، مينا بباوي ومن إخراج نادين خان.