اخبار مصر
موقع كل يوم -الرئيس نيوز
نشر بتاريخ: ١٥ تموز ٢٠٢٥
في لقاء خاص ببرنامج «ستوديو إكسترا» على قناة «إكسترا نيوز»، كشف الفنان أحمد وفيق عن محطات مهمة في رحلته الفنية، بداية من وقوفه على المسرح، مرورًا بلقائه بالمخرج العالمي يوسف شاهين، ووصولًا إلى رغبته في العودة لتقديم الكوميديا بعد سنوات من الأدوار الجادة.
يوسف شاهين لم يطلب تقليدي
تحدث وفيق عن تجربته مع المخرج يوسف شاهين، مؤكدًا أن شاهين لم يكن يطلب من الممثلين تقليده كما يشاع، وقال: 'هو ماكانش بيقول لحد يقلده، لكن البعض بيقع في الفخ ده من نفسه، ولو حس إن الممثل وصل لأقصى طاقته، كان بيسيبه على راحته'.
وعن بداية علاقته بشاهين، قال وفيق: 'ما رحتلهوش، هو اللي شافني على خشبة المسرح، وآمن بيا واختارني، ودي كانت نقطة تحول في حياتي'.
المسرح بداية الحلم
روى وفيق كواليس بداياته في المسرح الجامعي، كاشفًا عن تعرضه للرفض من معهد الفنون المسرحية رغم نشاطه المميز: 'اترفضت من المعهد، وأُحبطت يومين، لكن الأستاذ جلال الشرقاوي كلّمني بعدها، وقال لي: تعالى عندنا في مسرح الفن، إنت مش محتاج المعهد، وهتبقى حاجة مهمة هنا'.
وأشار إلى أن نشأته في الأقاليم جعلته أكثر اجتهادًا، حيث كان التعلم مشتركًا بين الجميع: 'كنا بنتعلم من بعض، واللي يعرف حاجة كان بيعلمها للباقي، حتى اللي ماكانش ممثل كنا بندربه عشان العرض يكمل'.
أشتاق للكوميديا
أعرب أحمد وفيق عن رغبته في العودة للكوميديا، قائلًا: 'الكوميديا من الألوان اللي بعتز بيها جدًا، وبتمنّى أرجعلها، سواء كوميديا لايت أو مواقف'.
وأشار إلى أن المخرج الراحل جلال الشرقاوي كان أول من منحه أدوارًا كوميدية غير متوقعة، لكنه لاحقًا حُصر في الأدوار المركبة والجادة: 'اتعرفت بشخصيات الأب الطيب أو الأدوار المركبة، فالمخرجين بقوا شايفيني من المنظور ده بس، مع إن في ناس كانت شايفة إنّي أقدر أضحّك زي المخرج سامي عبد العزيز'.
وكشف عن لحظات استطاع فيها العودة للكوميديا، مثل مشاركته في فيلم 'صرخة نملة'، ومسلسل 'فيفا أطاطا' مع محمد سعد، وعلق: 'العمل ده رجّعني للكوميديا، وكان دليل على إنّي لسه عندي القدرة على تقديم النوع ده من الأدوار'.
