الرئيس السيسي: يد الله كانت معنا وما زالت.. وبالحسابات البلد دي ماتقومش أبدا

أكد الرئيس عبد الفتاح السيسي: “فى البداية عندما توليت الرئاسة، اتقال إني ماعملش أي إجراءات غير التعليم، وجبنا ناس متخصصين من الجامعات ووضعوا خيارات ووضع خطة تتساوى فيها الإنفاق على كل المسارات والقطاعات.. ومش هنسى قطاع حتى لما جت الحرب على الإرهاب اتقال يبقي خلاص لا صوت يعلو فوق صوت المعركة ومنعملش تنمية.. ورفضت.. وقلت إننا هنحارب الإرهاب وهنعلم ونشتغل ونوفر ونبني فى كل القطاعات”.

وأضاف خلال كلمته اليوم: “لازم تعرفوا ان يد الله كانت معنا ومازالت.. وبالحسابات البلد دي متقومش ابدا علشان كدا انا الوحيد اللي عارف ان ايد ربنا معايا.. لان طبقا للمعايير الموجودة دي.. مفيش ومتنفعش ومتقدرش وميتبنيش ربع الطرق او السكة اللي اتعملت بإمكانياتها”.

وتابع: “أما بقول كدا كتير ناس تقولك كل ما تتكلم تقول ربنا.. اه ربنا.. ربنا معانا اوى وكل ما هنقرب منه ونخاف منه ونخلي بالنا من بعضنا هتبقي النتائج افضل من كدا ويارب يديم علينا فضله وكرمه ونصره وسلامه”.