مصطفى بكري: مش كل واحد يجيب شلته ويطلع ميستحقش..احنا مش سوق تجارب

أكد الإعلامي مصطفى بكري أن مصر في حاجة للعقل والحكمة الموجودة لدى الرئيس عبد الفتاح السيسي، مشيرا إلى أن الأمل يجب أن يعود للناس.

وقال بكري خلال برنامج 'حقائق وأسرار' المذاع على قناة 'صدى البلد': 'احنا لما بناشد ونقول عايزين التغيير في كل المحالات عايزين الأمل يرجع للناس في حتت كتير أطفي فيها الأمل متصدقش كل التقارير يا ريس وانت ايدك في الموضوع، أنا بقولهالك بقلب المحب وبقلب أبن البلد، احنا دقنا المرار في زمن الإخوان وفي الفترة الانتقالية وفي زمنك مينفعش أنت قائد وطني وعارف كل حاجة وتفاصيل كل حاجة'.

وأضاف: 'التغيير مهم وتغيير الوجوه مهم عشان مصلحة النظام والفسدة وحضرتك مش ساكت على هذا الموضوع والناس المتكاسلة في العمل تتركن على جنب نحتاج لمصر جديدة بقيادتك مصر واعية ومدركة وتلم الكل تحت قيادتك'.

وتابع: 'أنا بقول الكلام ده وأنا جوايا وجوه كثيرين جرح لأن عايزين بلدنا أحسن من كدة وعايزين اصطفاف وطني أحسن من كده وعايزين ناس قلبها على الشعب زي ما حضرتك قلبك على الشعب والناس وفي البلد فيها كتير مش كل واحد يجيب شلته مش كل واحد يرشح ناس وبعد كده نكتشف أنها متستحقش'.

وواصل: 'احنا مش هنبقى سوق للتجارب بقيادتك مينفعش تحت قيادتك مينفعش حضرتك بالنسبة للناس المنقذ حضرتك المضحي اللي شيلت كتير على كتافك ومشيت بيه أي حد يشدنا لورا يقعد على جنب'.

وأوضح: 'احنا دلوقتي في مرحلة تاريخية مهمة واصطفاف وطني مهم يبقي نركن اللي بيعملوا احتقان على جنب ونشوف ناس قلبها على البلد زي ما أنت قلبك على البلد أنا بقول الكلمة دي للتاريخ ولحبي لهذا الوطن'.