اخبار مصر
موقع كل يوم -صدى البلد
نشر بتاريخ: ١٨ أيار ٢٠٢٥
كشف الفنان حازم إيهاب عن تفاصيل صادمة من ماضيه العاطفي قبل ارتباطه بزوجته منة، وذلك خلال لقائه في بودكاست 'فايق ورايق' مع الإعلامي إبراهيم فايق.
وقال حازم: 'لما شفت مراتي، كان بعد 3 تجارب أسود من السواد.. اتخانت مرتين، ومرة اتسبت. كانت الدنيا بشعة'، وأضاف أنه تعرض لأزمة صحية بسبب إحدى هذه التجارب: 'دخلت المستشفى، وحصلت لي مشكلة مزمنة في قلبي، وعندي حاجة اسمها عدم انتظام ضربات القلب'.
واسترجع حازم تفاصيل التجارب العاطفية التي مرّ بها قائلًا: 'المرة اللي اتسبت فيها هي اللي دخلتني المستشفى. مرة اتخانت، وفي النص اتسبت، وبعدين اتخانت. كأني باكل علقة. أول مرة اتخانت، مكنتش متحكم في إحساسي، وكنت عصبي جدًا. وقتها كنت صغير، وبدأت أهتم بشكلي، عملت أسناني، ورحت الجيم، والناس كانت بتتهافت عليا، وسألت نفسي: ليه بيحصل فيا كده؟'.
وعن لقائه بزوجته 'منة'، قال: 'ظهرت لي من وسط الضلمة. أنا اتجوزت وأنا عندي 24 سنة، وكنت بعمل كل اللي في إيدي عشان أتجوز. تأثيرها عليّ كان إيجابي جدًا، لأني كنت بني آدم مش كويس نفسيًا، وتصرفاتي كانت فيها مشاكل كتير'.
وأوضح إيهاب أنه صارحها منذ البداية بوضعه المالي: 'وقفت معاها، وقلت لها إني في اللحظة دي معيش فلوس، بس عايز أقابل مامتك، وده كان بعد 7 أيام بس من أول مرة شفتها. وبعد 10 أيام قابلت مامتها، وقلت لها إني لا أملك شيئًا، لكن لو ربنا كرمني، هخطب بعد بكرا، ولو كرمني تاني، هتجوز بعد بكرة، وهي اعتبرتني زي ابنها'.
يُذكر أن حازم إيهاب شارك مؤخرًا في موسم دراما رمضان 2025، من خلال الجزء الثاني من مسلسل 'أشغال شقة'، من بطولة هشام ماجد، أسماء جلال، شيرين، سلوى محمد علي، مصطفى غريب، ومن تأليف خالد وشيرين دياب، وإخراج خالد دياب.
