شقيقة مسلم: مطلقش مراته وكانوا بيشتروا هدوم سوا إمبارح

قالت أية شقيقة المطرب مسلم، :'إحنا مش بنتكلم مع مسلم خالص ومش قريبين منه'.

وأضافت خلال حوارها ببرنامج “تفاصيل”، المذاع على قناة “صدى البلد 2”، : 'مسلم مطلقش مراته وكانوا مع بعض إمبارح بيشتروا هدوم'، متابعة: أعيش في تعب وحوارات منذ بداية زواج مسلم.

واسترسلت: 'زوجة مسلم مازالت بتهاجمني وبتدفع فلوس للناس عشان تهاجمني'، متابعة: 'بقول لمسلم ربنا يهديك وتعرف مين عدوك'.

وكانت قد أعلنت يارا تامر طليقة مطرب المهرجانات مسلم عبر حسابها الرسمي بموقع انستجرام، اتخاذها الإجراءات القانونية ضد شقيقته بعد الإساءة لها خلال الفترة الماضية.

وقالت يارا تامر خلال فيديو عبر خاصية الإستوري، “أنا مش هرد على الشخصية دى تاني مهما اتكلمت عليا وبكرا المحامي بتاعي هيروح لمكتب النائب العام وأنا مكنش ينفع اسكت ومدافعش على سمعتي وشرفي ووعد مني مش هرد تاني ولا هتكلم فى الموضوع دا'.