زواج رضوى الشربيني يتصدر الترند.. والإعلامية ترد: "كل شهر جوازة جديدة"

تصدرت الاعلامية رضوى الشربيني الترند على منصات التواصل الاجتماعي وعلى مؤشرات البحث في موقع جوجل، وذلك عقب ظهورها في بث مباشر لتكشف حقيقة زواجها، عبر حسابها بموقع “فيس بوك”.

وكشفت “الشربيني” خلال الفيديو، حقيقة الشائعة، قائلةً:'أنا لو هتجوز هعلن ده أنا حبيت أقول للهبيدة أكيد لا انا متجوزتش، لدرجه أنهم حطوا صورتي مع شقيقي وبتقولو ده خطيبي الإماراتي، بصراحة مستغربة من اللي بيتعمل ده، حبيت أقول لجمهوري اللي بيسعد قلبي.. شكرا ليكم انكم بتدافعوا عني بالشكل ده، انتم احلى حاجه حصلت في حياتي'.

وتابعت:'انا بلاقي نفسي متجوزة كل شهر من حد مختلف، يا جماعة لو اتجوزت كان زماني حامل في حمادة دلوقتي مش كدة، انا متجوزتش حد عنده اطفال بالمناسبه زي ما احد الجمهور قال كدة'.

وعن تعليق أحد متابعيها بانها تزوجت وجعلت ياسمين عبدالعزيز تنفصل عن العوضي:'انتو عندكم مشاكل اكيد عشان تفكروا بالشكل ده'.

وعن خطوتها الجديدة في الاعلام قالت:' انا حاليا في استراحه محارب، وحبيت اني اكون معاكم هنا على السوسيال ميديا، ولسه مستقرتش على اختيار الخطوة الجديدة، واما يحصل ده اكيد هعلن لكل اللي بيحبوني'.

وكانت رضوى الشربيني قد ظهرت مؤخرًا بصورة مع الفنانة ياسمين عبدالعزيز، وعلقت عليها:'اختى وحبيبتى وصحبتى'.