حبيت تتمنظر.. رد شقيق أنوسة مدربة الأسود على ضحية حادث سيرك طنطا

رد شقيق مدربة الأسود أنوسة كوتة أقوال ضحية حادث سيرك طنطا الشاب محمد إبراهيم عبدالفتاح مساعد مدرب الأسود، على الاتهامات التي وجهها إليها بعد حادث سيرك طنطا، معتبرا جميع تصريحاته إدعاءات كاذبة.

تعليق شقيق أنوسة على أقوال ضحية حادث سيرك طنطا

نشر شقيق أنوسة كوتة مدربة الأسود والنمور - فيديو عبر فيسبوك يرد على ضيحة هجوم نمر طنطا، قائلا: مش شغلتك تربط الحيوانات، كان ممكن تموت وربنا نجاك، وبغض النظر إنك عملت كارثة عشان تتمنظر قدام صحابك، أنت عملت كارثة وكنت هتضيع المدربة والجمهور كله بسبب أنك بتتمنظر، مبسوط؟.

الأسود والنمور جائعة

وردا على قول إن الأسود والنمور جائعة، قال: بتقول إن الحيوانات لم تأكل من 10 رمضان، يعني من 25 يوم، يعني الأولى يأكلوا من في القفص، اللي هي المدربة مش اللي واقف برا، أنت جاي تتمنظر قدام صحاب على حيوانات متعرفكش!! مستني منهم إيه؟

وأضاف شقيق أنوسة كوتة: بعدين مش عيب لما تقول إن المدربة معبرتكش وهي اللي ودتك المستشفى بهدوم الشغل، ولا أنت جامد أوي ورحت لوحدك المستشفى؟ وبعدين هي اتسحبت لـ النيابة وقعدت حوالي 8 أو 10 ساعات هناك، شوف هي كانت بتعمل إيه عشان تحميك وتحمي الناس اللي موجودة كلهم، طب أنت عندك علم إنها كلمت عيلتها كلها علشان يجوا يقفوا معاك.

تفريغ كاميرات

وقال شقيق أنوسة كوتة: أبقى اتفرج هي عملت إيه لما النمر هجم على إيدك، وشوف في كام أسد نزل على الأرض وهي مدياهم ضهرها، هي كان ممكن تضيع في ثانية، ولما عم شعبان دخل دي كارثة، لأن أنوسة بقى عليها 3 مسؤوليات أنها تفك النمر اللي هجم على إيدك، وتحمي عم شعبان، وتأمن إن مفيش حيوان يخرج برا القفص، إحنا كده محتاجين نفرغ الكاميرات.

ضحية نمر سيرك طنطا.. محافظ الغربية يمنح مساعد المدرب وظيفة وأموال

حادث هجوم النمر في سيرك طنطا..مساعد مدرب الأسود يكشف السر الحقيقي