فوائد قرع العسل وطريقة تحضيره بالبشاميل

قرع العسل يساعد على  تقليل مستويات الجلوكوز في الدم، وزيادة مقدار ما ينتجه الجسم من الأنسولين.

ويعمل على تنشيط عمل خلايا الدماغ، ولاحتوائه على فيتامين B1، فإنه يساعد على إبطاء سرعة تطور مرض الزهايمر وتقليل احتمالية تكون حصى الكلى، والحماية من الالتهابات الكلوية، نظرًا لاحتواء القرع على نسب عالية من البوتاسيوم.

كيلو قرع عسل مستوي مع ٣ معالق سكرونص كوب ماء

البشاميل :

٢ معلقة زبدة او سمنة

٢ معلقة دقيق

معلقتين سكر

كيس كريم شانتيه مذاب في ربع لبن

٢كوب لبن ( حليب ) كامل الدسم

معلقتين قشطة او لبنة

معلقتين لبن مكثف

وعلي الوجه علبة قشطة مذابة في معلقتين حليب

الطريقة :

ننظف القرع ونقطعه مكعبات صغيرة

وفي حلة مع نص كوب ماء وعلي نار هادية نسيبها ٢٠ دقيقة او لحد ماتطري و تستوي

في حلة علي النار نسخن السمنة وننزل عليها بالدقيق ونقلب علي نار هادية لحد ماريحة الدقيق تطلع

ننزل عليه بالحليب والسكر واللبن المكثف والكريم شانتي المذاب في الحليب ونستمر في التقليب لحد ما يتقل

‏في قالب فرن ننزل بمغرفتين بشاميل وننزل عليهم القرع ونغطيها ببقية البشاميل ونقلب علبة الشطة في معلقتين حليب ونوزعهم علي وش البشاميل

ونرش سكر وتدخل الفرن حوالي ٤٠ دقيقة او لحد ماتغلي ووشها يحمر ونحضر عين الجمل المحمص مع معلقتين سكر ليصبح مكرمل وننزل بيه علي وش القالب بعد مانطلعه من الفرن.