عمرو أديب لـ إدارة الاهلي: خدوا حسين لبيب وكل حاجة مش فارقة

وجه الإعلامي عمرو أديب رسالة لجماهير نادي الزمالك، بعد أنباء انتقال أحمد مصطفى زيزو لاعب الفريق الأول لكرة القدم بنادي الزمالك، إلى النادي الأهلي، طالبًا من إدارة الأهلي التعاقد مع حسين لبيب.

وكانت قد انتشرت أنباء قوية تفيد بتوقيع زيزو للنادي الأهلي، تمهيدًا للانتقال إليه عقب إنتهاء عقده مع الزمالك والمقرر له نهاية الموسم الجاري وسط تعثر مفاوضته مع إدارة ناديه.

وعمت حالة من الحزن والغضب بين جماهير الزمالك في الشارع المصري، بعد رحيل اللاعب نظرًا لتأثير الكبير خلال السنوات الماضية.

وفي هذا الصدد علق عمرو أديب عبر برنامجه “الحكاية” قائلًا:'هو زيزو هيعمل ايه يعني ما هو كان في الزمالك وكنا بنتغلب واتغلبنا من الأهلي كتير، وخسرنا بطولات وهو احنا كسبنا دوري أبطال أفريقيا مع زيزو وكسبنا كام دوري'.

ووجه طلب لإدارة الأهلي قائلًا: “خدوا كل حاجه عادي خدوا حسين لبيب نفسه لو ده هيريحكم، مش هتفرق في حاجة، وبعدين هو المبلغ كام علشان الخناقة دي يعني الزيادة كام علشان تعمل كده”.

وأضاف: “الفلوس اللي بيتخانق عليها ابو زيزو والناس في الأهلي حاليًا هتفضل في حياتك كلها دي علامة مهما عملت والناس هتبصلك من فوق لتحت كده، هو ده اللي كنت عايزه”.

وأختتم: “بصراحة اللي ضايقنا أنها متلعبتش “فير” ومكنتش لعب نظيف، هما كانوا مكتمين ويطلع زيزو يقولك اللي عنده ورقة يطلعها، يطلعها فين ما هي في بيت الخطيب”.