اخبار مصر
موقع كل يوم -الأسبوع
نشر بتاريخ: ٢٢ أب ٢٠٢٤
حصل موقع «الأسبوع» على نص اعترافات والدة الفتاة «رحاب» ـ متوفاة ـ خطيبة «حسام» السابقة، والمتهم بقتل صديق عمره «سيد» ـ عريس البراجيل ـ والقاء جثمانه بأرض زراعية قرب محور الضبعة، وذلك انتقامًا منه ظنًا أنه تسبب في فسخ خطبتهما.
س: ما هي تفصيلات حدوث الواقعة؟
ج: كل اللى حصل ان بنتي رحاب كانت مخطوبه لواحد اسمه «حسام» ولما كانت مخطوبة كان بيحصل بينها وبين حسام مشاكل واللي كان بيحل المشاكل دى ليهم واحد أسمه «سيد» جارنا دا كان متربي عندنا من زمان وبعدها عرفنا إن حسام دا بيسرق وطلع حرامي ولما بنتي عرفت أنه حرامي فسخت الخطوبة بينها وبين حسام وبعدها حسام دا شاف «رحاب» وهي رايحه السجل المدني عشان تعمل البطاقة مع «سيد» بتعمل بطاق «حسام»غار عليها عشان كان يحبها فارح قتل «سيد» من فترة.
وأضافت:« بنتي رحاب راحت شهدت في النيابة على «حسام» ومن بعدها كلام الناس كتير عليها وفضلوا يقولوا كلام مش كويس وأن بينتي هي السبب في موت سيد وبنتي لما سمعت الكلام دا من الناس نفستيها تعبت أوى بس مكنش بيان عليها بس وعرفت من قبل لما بنتي تروح المستشفى بيوم من واحد أسمه ربيع الصعيدى إنها ضماناه في قرض مبلغ ۱۸۰۰۰ ألف جنيه و قالنا لو مسددتش المبلغ دا هنتحبس ولما بتي عرفت بالكلام دا نفسيتها تعبت وقالت أنا جبتلكم وجع الدماغ من كلام الناس ليا ومن كام يوم أتسحرنا مع بعض وكل واحد فينا راح ينام وبعدها سمعت ترجيع ولما طلعت لقتها بنتي رحاب بترجع وراحت وأخدها انا واخوها محمد وينتي ساره على المستشفى وعرفت إن بنتي أخدت حباية غلة وبعدها راحت المستشفى و بعدها بكام يوم توفت و أن سبب موتها هو القرص اللى أخدته.
س: وما سبب فسخ خطبة المتوفاة بالمدعو حسام صابر زناتي؟
ج: انا عرفنا من الناس أن حسام دا طلع حرامي و بيسرق ولما بتني عرفت ان حسام دا بيسرق راحت فسخت الخطوبه بينها بين حسام وقالت انا مش هكمل معاه وعرفت قبل ما بنتي تدخل المستشفى أنها ضمنا حسام في قرض مبلغ ۱۸۰۰۰ جنيه.
س وماهي طبيعة علاقة المتوفاة الى رحمة مولاها بالمدعو سيد بركة؟
ج: دا اللى كان حسام بيشتغل عنده في المغسلة وكان بيساعدنا في المعيشة عشان إحنا ناس غلابة وبسبب أن السيد بنا قريب مننا حسام بداء يغير منه لما شاف بنتي رحاب راحت مع السيد برك السجل عملت بطاقه وراح حسام قتل السيد والموضوع انتشر في البلد كلها
س وماهي طبيعة الحوار الدائر بين اهل البلده؟
ج هو كلام كان على بنتي سابت حسام عشان السيد الله يرحمه وأنها السبب ان السيد مات
س: وما هو رد فعل تجاهك عقب علمها بذلك الحوار سالف الذكر؟
ج: بنتي نفسيتها تعبت أوى بس مكنتش مبينه لينا وكانت حطه في نفسها ومكنتش بتخرج وكانت بتعقد لوحدها كتير.
س: هل افصحت المتوفية إلى رحمة مولاها رحاب رشدى عبد العاطي عن رغبتها في التخلص من الحياه و إزهاق روحها؟
ج: لا.
س: وهل من ثمه حوار دار فيما بينك وبين نجلتك المتوفاة إلي رحمة مولاها جراء ذلك الحوار سالف الذكر؟
ج: ايوه أنا اتكلمت معاها في الموضوع دا عشان انا كنت حاسه بيها بس هي مكنتش بتقول حاجه وبعدها لقينا فيديو ليها مسجلاه على موقع التيك توك.
س: وما هو محتوى ومضمون ذلك الفيديو؟
ج: كانت بتقول في الفيديو اللي نشرته أنها لما أموت محدش يزعل عليا ( باعتباري بكره هموت في حدثة قولو لأمي ما تبكيش و جنازتي متصوتيش وقولو لاخوتي إن أنتم كنتم اعز شئ في حياتي في وجودي ومماتي و اصحابي إنهم يجو على قبري وميصوتوش ويطلو كل شوي على أمي وميعيطوش ومتكسروش قلبها كفيا قبلها مكسور في بعادي والعلم عند الله
س: وماهي حالة المتوفاة الى رحمة مولاها عقب علمها بواقعة قتل سيد بركة؟
ج:كانت زعلانه جدًا على السيد لأنه كان جدع وطيب وكان بيسعدنا في المعيشة وبعدها بنتي طلبوها في النيابة وشهدت على واقعه القتل بتعت السيد وشهدت على حسام انه كان آخر واحد معاه وبعدها كلام الناس كتر على بنتي أنها السبب في واقعة قتل حسام للسيد وكان في علاقه بين بنتي مش كويسه مع السيد ودا سبب أن بنتي تنهي حياتها بسبب كلام الناس عليها.
