أكد المنتج محسن جابر، مالك شركة عالم الفن أن حقوق أغاني حقيقة وجود مشاكل مع ورثة الفنانة الراحلة أم كلثوم.

وقال جابر في مقابلة مع برنامج 'حبر سري' المذاع على قناة 'القاهرة والناس': 'عمري ما اعتديت على حق حد أنا اشتريت من الورثة بعقود موثقة ومعنديش خلاف مع الورثة يمكن وريثة وريثة قالت إنها عايزة تبطل العقد'.

وأضاف: 'وقت ما كان النت مبوظ الدنيا محدش كان بيسأل ولما الدنيا ابتدت تتحرك شوية وابتدوا يشوفوا المجهود اللي عملته في كيفية تقديم أم كلثوم وانتشارها ابتدوا يقولوا احنا فين واللي عايز يبطل العقد بيرفع قضية ومتصور أن الحق يرجعله تاني'.

وتابع: 'أنا ما يعتديش على حق حد وفي حاجات أمام المحاكم وحاجات اتحكم فيها لصالحي ودا بالنسبة لورثة أم كلثوم في بقي بيني وبين صوت القاهرة ودي مشكلة تانية وأنا مش قلقان لأن أنا معايا حق'.

وواصل: 'في وريثة وحيدة لأم كلثوم والمحكمة حكمت لصالحي وأنا مش شاري منها أنا شاري من جدها وهو باعلي الحصة بتاعته والحصة دي 5% من اجمالي اللي أنا شاريه وحتى الحصة لا تؤثر بالنسبالي بحاجة، جدها باعلي وأبوها ورث وهي عايزة تبطل العقد'.

وعن وجود أزمة مع ورثة عبد الحليم حافظ ومحمد عبد الوهاب قال جابر: 'الامر هنا مختلفة أنا اشتريت شركة صوت الفن واشتريت حصة الموسيقار محمد عبد الوهاب وحصة الأستاذ مجدي العمروسي الله يرحمة واشتريت حصة المرحومة علية شبانة وبقي عندي 75% من اجمالي الشركة'.

وأكمل: 'المتبقي كان محمد شبانة والمشاكل قائمة بيني وبين محمد شبانة لا أكثر ولا أقل أنا راجل اشتريت في وقت الشركة مكانش فيها مدير ومازالت المشاكل قائمة وهو رفع قضية تصفية للشركة وبعد ما المحكمة حكمت هو تراجع'.

وذكر: 'أنا راجل بهوي الفن وبحبه ولما بلاقي شركة بتنهار بقول أنا أولى بدل ما شركة خليجية تيجي تشتريها زي ما اشترت مكتبة الأفلام المصرية أنا أولى وحافظت على التراث ده داخل مصر وخارج مصر وسوف يؤول فيما بعد لوزارة الثقافة المصرية'.