بسمة بوسيل.. حالة من الجدل انتشرت على مواقع التواصل الاجتماعي، خلال هذه الآونة، حول الفنانة بسمة بوسيل، وذلك بعد تصريحاتها الأخيرة عن زوجها السابق المطرب تامر حسني.

كشفت الفنانة بسمة بوسيل خلال حلولها ضيفة على برنامج «عندي سؤال» مع الإعلامي محمد قيس عن معاناتها من الاكتئاب وتفكيرها بالانتحار خلال فترة زواجها.

وقالت: «بنصح أصحابي اللي عايزين يطلقوا عشان عندهم مشاكل انفصلوا لو لقيتوا نفسكم في الانفصال مرتاحين اتطلقوا».

وأشارت: «الطلاق في الزمن اللي احنا فيه دا مفيهوش رجوع».

وتابعت: «الرجوع بيبقى ليه بوادر أنا ماشفتهاش، لما بيبقى في رجوع بيبقى في مشاعر بين الاثنين ومش بعاد عن بعض، لما اثنين بيبقوا بيطلقوا وهما عايزين يرجعوا بيبقوا مظبطين نفسهم أن فيه طريقة للطلاق بيبقى فيه خيط للرجعة».

وأضافت: «أنا بالنسبة ليا أنا وتامر مش بنفكر نرجع لبعض والكلام اللي على النت مش عارفة مين اللي بيطلعه لكن زي ما قال تامر في ناس بتحاول يصلحوا ما بينا بيتكلموا الطبيعي ومش فاهمين حاجة في العلاقة ما بينا».

وأكملت: «أنا لسه مش جاهزة للارتباط، أنا دلوقتي مش بستحمل حد يتحكم فيا أبدا لو قالي متسافريش مثلا ممكن اتجنن».

وتابعت: «عايزة أصحى الصبح أسافر أي مكان أو أدخل استديو أغني أو أروح شركتي أو أسافر المغرب لأهلي».

وأنهت حديثها: «لما تبقى حاسس أنك مسجون وطلعت من السجن طبيعي مش هتبقى عايز حد يكلمك عايزة حرية ودا ترسبات عن الماضي».

ولم تصمت الفنانة بسمة بوسيل ونشرت أستوري عبر حسابها على موقع تبادل الصور والفيديوهات إنستجرام، قالت فيه: «عجيب كيف يُطلب من المرأة أن تصمت كي لا تهز صورة الرجل، لكن لا يُطلب من الرجل أن يتصرف بشكل لائق كي لا يكسر قلب المرأة، حين تتكلم المرأة بعد صمت طويل يُقال لماذا الآن؟ وحين تصمت يُقال لماذا لم تتكلم؟.. .المشكلة في قدرة البعض على سماع الحقيقة».

وأضافت خلال منشورها: «ليست كل امرأة تتحدث نادمة، وليست كل امرأة تصمت راضية، أحياناً الصوت يأتي بعد أن يدفن الصبر وبعد أن تتحرر النفس من قيود الخوف أو التردّد.».