علق الإعلامي أحمد شوبير، نجم الكرة المصرية السابق، على قرار النادي الأهلي بتجديد عقد محمد الشناوي، قائد الفريق وحارس مرماه، حتى عام 2028.

وقال أحمد شوبير في تصريحات إذاعية عبر «أون سبورت إف إم»: «هو الأهلي جدد سنتين للشناوي عشان سواد عيونه ولا عشان هو حارس كويس؟ هل جدد له سنتين عشان سواد عيونه ولا عشان هو محتاجه».

وأضاف: «محتاجه بقى ككابتن أو محتاجه كحارس أو كشخص له أهمية، فهي وجهة نظر النادي الأهلي، وشيل خانة السن دي خالص، عنده 40 ولا عنده 50 أو 70، الموضوع منتهي».

وأردف: «الأهلي جدد سنتين للشناوي عشان خاطر هو حارس كويس، ومش عشان سواد عيونه، الأهلي محتاج الشناوي كحارس أو كشخص أو كقائد للفريق، فالأهلي له وجهة نظر إنه يجدد للشناوي، مش عشان مين البديل ومين هيلعب ومين مش هيلعب».

واختتم شوبير حديثه بالتطرق إلى غياب محمد صلاح عن مباراة منتخب مصر اليوم، موضحًا: «كان بالاتفاق مع الجهاز الفني، زي ما حدث قبل كده في مباراة، ولكن منعم كان عنده حتة غضب وزعل بسبب عدم مشاركته».

وتابع: «وشرف ما بعده شرف لأي لاعب يمثل منتخب مصر، وعندنا نجوم كبيرة جدًا ارتدوا تي شيرت المنتخب وساهموا في انتصارات كبيرة جدًا مع المنتخب».