ثلاثتهم في سجن المرناقية لقضاء عقوبات جسيمة.. واليوم و قبل الندوة الصحفية التي سينظمها الجمهوري في ساحة الفقيدة مية الجريبي تضامنا مع المناضل الثمانيني أحمد نجيب الشابي. قالا منية ابراهيم وهي عائدة من الزيارة التي أدتها إلى زوجها عبد الحميد الجلاصي بأن هذا الأخير قد طلب منها عدم تقديم القفة للاسبوع القادم لأنه سيدخل هو الآخر في اضراب جوع مفتوح…، منية ابراهيم روت الأسباب وهي في حالة إحباط قسوى بسبب ما سمعته و ما تعرفه و لا يعرفه أحد بخلاف السجان..

و ننقل بالمناسبة ما كتبته مريم ابنة عبد الحميد الجلاصي و عمره اليوم 67 سنة قضى منها 22 سنة.

'يوم عنّا زيارة عبد الحميد، ليوم في الزيارة ببا يقول لمّا بش ما تجيبلوش قفّة الجمعة الجاية لأنو قرّر يدخل في اضراب مفتوح مش فقط اضراب جوع لكن قرر أنو يقاطع حتى الطبيب..

بالنسبة لعبد الحميد- بعد أربعة سنين من جوابات ما توصلوش، اربعة سنين تعتيم كامل على اخبار العالم الخارجي، وقاطعين عليهم كل قناة ممكن تجيب معلومة او خبر يخليهم ممكن يفهو العالم شنوا صاير فيه ولوين ماشين، بعد أربعة سنين مراسلات ومطالب- استنفذ كل قنوات التواصل العقلانية مع ادارة السجن والسلطات، والوسيلة الوحيدة الي بقات ممكن يناضل بيها ويوصل بيها صوتو، هي صحتو..

ليوم ببا قرر يدخل في اضراب جوع وبش نبقاو جمعة كاملة نستناو وما عنا عليه حتى خبر او معلومة للزيارة الجاية.. خاطر سلطة الأمر الواقع قررت انو حرمانهم من حريتهم ما يكفيش، يلزم زادة يحرموهم من اي همزة وصل مع العالم الخارجي مهما كانت..

احنا من ليوم، نحملو ادارة سجون والاصلاح، وزيرة العدل ليلى جفال، وقيس سعيد رأسا مسؤولية اي حاجة ممكن تصير لعبد الحميد الجلاصي في الإضراب هذا…'.