أسدلت محكمة جنايات شمال القاهرة بالعباسية، الستار عن جريمة مصر الجديدة، التي راح ضحيتها «حمص» على يد جاره «ناصر» لوجود خلافات بينهما على ايجار محل بأحد عقار شارع الكوربة، وانتهت بإحالة أوراق المتهم إلى فضيلة مفتي الديار المصرية، وحددت المحكمة جلسة 5 أبريل المقبل، للنطق بالحكم في الدعوى.

وجاءت نص التحقيقات مع «ناصر. ص»، المتهم بقتل «حمص» في شارع الكوربة بمصر الجديدة بالقاهرة، في القضية رقم 10058 لسنة 2024 جنايات مصر الجديدة والمقيدة برقم 3404 لسنة 2024 كلي شرق القاهرة، والمعروفة إعلاميا بـ «مقتل نجل صاحب مقهى أسوان»، على النحو التالي.

ج: اللي حصل إن في خلافات بيني وبين «محمد عبد الرازق» كتير ومن حوالي خمس سنين حصلت بينا مشكلة واتخانقنا مع بعض وضربنا بعض وبعدها الناس جت حاشت والموضوع خلص ومحمد كان واخد حصة في العمارة اللي محل العصير بتاعي فيها في شارع المسلة متفرع من شارع الكوربة، ومكنتش عايز يكون ليه حصة في العمارة اللي أنا فيها دي وكان في قضايا كتير بينه وبين صاحب العمارة، ولما كنا بنشوف بعض كان بيحصل مشادات لكن الناس كانت بتحوش، واخر مشكلة كانت امبارح لقيت محمد كان جاي يزعق ويشتم من عند قهوة أسوان بتاعته ولقيته ماشي قدام محل العصير بتاعي وعمال يزعق لأن في خلافات سابقة، فخرجت من المحل وكان معايا مطواة في جيبي وكنت قرفان منه ومن المشاكل الي بتحصل بيننا.

وتابع المتهم خلال تحقيقات النيابة، بعدها طلعت المطواة من جيبي ودخلت على «محمد عبد الرازق» وضربته بيها أكثر من ضربة ومش فاكر كام ضربة تقريبا ووقع على الأرض وفضلت أضرب فيه بالمطواة وقعت فوقه على الأرض ومحستش بنفسي لقيتني عمال أغرز المطواة في بطنه والناس اتلمت وقعدت تحوش وأنا مكنتش عايز اسيبه وفضلت أضرب فيه لحد ما الناس حاشتني وقعدت الأهالي يضربو فيا بالكراسي عشان أقوم من عليه لكن فضلت أضرب فيه بالمطواة وبعدها قولت له أنت اللي وصلتني أني اعمل فيك كدا وبعدها الناس حاشتني وقومتني من عليه وأنا رميت المطواة ودخلت محل العصير تاني وبعد كدا الشرطة جت وأخدوني على قسم مصر الجديدة.

س: ومتى نشأت تلك الخلافات؟

ج: منذ حوالي خمس سنين تقريبا.

س: إلى أي مدى تطورت تلك الخلافات بينكما؟

ج: كان يحدث بينا مشاكل و اتخانقنا مع بعض وضربنا بعض من خمس سنين والناس في البلد حلت ما بنا ولما كنا بنشوف بعض كان بيحصل ساعات مشادات بنا لكن الناس كانت بتحوش.

س: هل اشترك معك أحد في ارتكاب الجريمة؟

ج: لا أنا طلعت ضربته بالمطواة من نفسي محدش تانى ضربه غيري.

س: هل قام بتحريضك ثمة أشخاص على التعدي على المجني عليه؟

ج: لا

س: متى بدرت إلى ذهنك تلك الفكرة؟

ج: لما لقيت محمد ماشي قدام محل العصير بتاعي وعمال يزعق طلعت عليه بالمطواة و جتلي فكره أني أضربه أول ما شوفته وضربته.

س: ما هي كيفية إعدادك وتنفيذك للجريمة؟

ج: أنا لقيته داخل عليا وعمال يزعق طلعت المطواة من جيبي وضربته

س: وما هو المخطط الإجرامي الذي أعدته نفاذا لتلك الفكرة؟

ج: أنا كنت زهقان منه ومش طايقه لقيت نفسي بطلع المطواة من جيبي وبضربته بيها وفضلت أضرب فيه كثير والناس كانت عماله تحوشني و أنا مش راضي أبطل ضرب فيه بالمطواة.

س وما هو السلاح أداة التي استخدمتها في ذلك التعدي على المجني عليه؟

ج: هي مطواة قرن غزال.

س: كيف تحصلت على ذلك السلاح الأبيض؟

ج: أنا اشتريته من سوق العبور.

س:وهل اعتدت حملك لذلك السلاح الأبيض؟

ج: ايوه

س: ولم تعتاد ذلك؟

ج: بسيبه معايا في جيبي على طول وساعات بقطع بيه حاجات في محل العصير بتاعي.

س:وما عدد الطعنات والضربات التي كالتها للمجني عليه؟

ج: انا ضربته كذا ضربة لكن مش فاكر كانت كام واحدة لأن الدنيا كانت زحمة وكان في دوشة و أنا كنت زهقان منه و مفكرتش في عدد الضربات والطعنات.