انتقد الإعلامي سيف زاهر، تصرف رامي ربيعة لاعب النادي الأهلي، بعد مشاركته لـ رسالة سب وهجوم أحد جماهير المارد الأحمر، عقب نهاية مباراة الأهلي وبتروجيت ببطولة الدوري.

قال سيف زاهر خلال برنامجه المذاع على قناة «أون سبورت»: 'مينفعش رامي ربيعة ينسب لواحد قال لفظ سيء أنه من جمهور النادي الأهلي، إزاي أنا ممكن أجيب مليون في واحد'.

وأضاف: 'بلوم رامي ربيعة على التويتة اللي كتبها، لأن كان فيها تجاوزات كتير ولا يجب إنه ينزلها على الملأ، ولو كان عايز ياخد إجراء قانوني ياخده، لكن ميقولش ده الجمهور، مينفعش وميصحش'.

وأكمل: 'الصح إني أدي كل حاجة حجمها، ليك حق قانوني خده، ولكن متنسبش التجاوز لجمهور الأهلي كله'.

وكان ربيعة قد شارك رسالة أحد جماهير القلعة الحمراء عبر خاصية ستوري على انستجرام، وعلق: 'واحد من جماهير الأهلي'.