في واقعة غريبة من نوعها بمحافظة قنا، انتشر منشور عبر وسائط التواصل الاجتماعي 'فيسبوك'، ترصد فيه سيدة قناوية مكافأة مالية ضخمة لمَن يعثر على 'قط' تغيّب عن منزلها السبت الماضي.

التدوينة التي نشرت، لاقت العديد من ردود الفعل من قبل مستخدمي مواقع التواصل، بسبب المبلغ المالي الكبير الذي رصدته السيدة لأجل العثور أو الإبلاغ عن مكان 'القط'، الذي تبحث عنه منذ أيام، راصدة 5 آلاف جنيه لمَن يعثر على 'قطها' المتغيب عن المنزل.

'الدستور' تواصلت مع السيدة 'أ.م' هاتفيًا، رافضة ذكر اسمها قائلًة: 'الناس اللي بتتريق على مواقع التواصل إحنا القط بتاعنا ليه 3 أيام متغيّب عن البيت وتحديدًا منذ السبت الماضي'.

أضافت السيدة خلال حديثها: 'القط ده له 3 سنوات معايا، وأنا بعتبره زي عيالي وأنا وبنتي متعلقين خالص بيه بدرجة لا أحد يتصورها، والقط مش بياكل ولا يشرب خارج البيت وعشان كده خايفة عليه من الموت'.

وقالت (أ.م) إنها رصدت 5 آلاف جنيه لمَن يعثر على القط ويعيده إليها: 'أي حد أخده أو أي حد شافه هيتواصل معايا وهياخد المكافأة بتاعتي، لأنها مكافاة حقيقية جدًا'.