قال الإعلامي تامر أمين إن الجدل الدائر حاليا حول تشجيع جماهير الأهلي لفريق بيراميدز في نهائي دوري أبطال إفريقيا أمام صن داونز، لا يستحق مؤكدا أن القضية شخصية بحتة ولا يجب إدخالها في مفاهيم الانتماء والهوية الوطنية.

وأضاف أمين خلال برنامج 'أخر النهار' المذاع على قناة 'النهار': 'الإشكالية دلوقتي اللي دايرة وأنا مش عارف الحقيقة مين اللي أثارها وسببها إيه؟ الإشكالية دي بتطرح سؤال اللي هو: لو إنت أهلاوي هتشجع بيراميدز في نهائي إفريقيا قدام صن داونز ولا لأ؟'

وأكد أن بعض الإعلاميين الرياضيين و'البلوجرز' يسعون وراء 'الولعة' و'التريندات'، لكنه يرى أن الأمور لا يجب أن تأخذ هذا المنحى، قائلًا: 'التحفيل والترندات والحاجات دي بلاش تدخلنا في حتة الوطنية والمصرية'.

وتابع: 'طول ما إحنا بنلعب مع بعض جوه الاستاد جوه الملعب حفل زي ما إنت عاوز وسخن زي ما إنت عاوز... لكن أول ما تطلع لفكرة الانتماء، وفكرة إن أنا الكيان ده مصري ولا مش مصري، واشجعه ولا لأ، ما أعتقدش إن هو ده السؤال المطروح دلوقتي'.

وذكر أمين أن تشجيع بيراميدز من عدمه قرار شخصي لا يجب أن يُفرض على أحد مضيفا: 'اللي عايز يشجع بيراميدز أهلًا وسهلًا، اللي مش عايز يشجع، التشجيع عمره ما بيبقى بالغصب'.

وأوضح: 'بس ما تقولش كلام يضايق لا من هنا ولا من هنا، ولا اللي عايزين يولعوا في النص على الفاضي، لأنها قصة مالهاش لازمة'.

وأكمل: 'بيراميدز على الجانب الفني عمل مباراة ممتازة مع صن داونز، والحقيقة إنه تعادل مستحق رغم إنه جه في الدقيقة 95 عن طريق رأسية وليد الكارتي والأسست بتاع مهند لاشين لا بيراميدز ما كانش يستحق يخسر، بل بالعكس كان في أوقات كتير هو الجانب الأفضل'.