طالب الإعلامي عمرو أديب بمحاسبة الطبيبة التي طالبت الأزواج بإجراء تحاليل الحمض النووي من أجل إثبات أبوتهم لأبنائهم.

وقال أديب خلال برنامج 'الحكاية' المذاع على قناة 'إم بي سي مصر': 'في ناس بتقول الكشف عن أسرار المرضى أو عدم الأمانة ولكن أنا في جريمة حضرتكم مش واخدين بالكم منها وهذا هو الأثر الذي تركته عند الناس، التعميم الأسود أنا أهو وأنتوا أهو هذه المخلوقة تريد أن ترسم صورة سوداء للمجتمع'.

وأضاف: 'هذا الأمر طبعا احنا هناخده بقي أصلها بتاعه سوشيال ميديا لا أنا عايز حضرتك اسأل أي حد أيه هو التأثير اللي جالك بعد الفيديو ما خلص؟ هيقولك لا دا البلد بايظة'.

وتابع: 'بتقولك الرجالة لازم تعمل تحاليل عشان تعرف العيال دول بتوعها والا لا لازم كلنا نروح نشوف العيال دي تبعنا والا مش تبعنا هي دي النتيجة اللي هتجيلك البلد السايب في السايب يعني'.

وواصل: 'البلد دي بلد الأزهر فين حقوق المرأة هو مين مسؤول دلوقت عن جمعيات حقوق المرأة فين النيابة العامة السيد النائب العام يتصدى بردو معانا'.

وأوضح: 'بصوا مترحموهاش حقيقي بجد ناس هتقولك خلاص بقي يومين بس مهو يعني بردو أصل بتاع، طيب ترضاها على نفسك؟ ترضاها حد يجيلك كده ويقولك أهو ياعم أدى المجتمع بتاعكم'.

واختتم: 'عارف سبق إصرار وترصد؟ هي الست عاملة ده عشان عايزة تشتهر وعارفة أن ده اللي هيجيب البتاع والست وراحت أمها وخداني على جنب وقالت أصل أبوها ميت ومرتبكة، سبايسي فلفل اسمع مليون هو حد بيعرف يعمل مليون دي النهاردة يا جماعة؟ دا هو ربنا مش هيسيبها'.