(CNN) – رد لاعب كرة القدم المصري السابق والمحلل الكروي، محمد أبوتريكة، على الجدل الذي أثاره ظهوره في إعلان استاد الأهلي الجديد، قائلا لمنتقديه 'مش هتعلمني أحب مصر'. 

وقال أبوتريكة في الاستديو التحليلي الخاص بمباراة باريس سان جيرمان وليفربول في دور الـ16 من دوري أبطال أوروبا: 'الأهلي عمل اسمنا كلنا... أي حد عدا جنب سور النادي، النادي له فضل عليه'. 

وأردف اللاعب المصري السابق: 'كابتن ثابت (البطل) الله يرحمه أول ما دخلت النادي الأهلي قال لي في أول أسبوع كنت لسه جاي من الترسانة والحمدلله تألقت فهو قال لي في ظل رغبة بعض القنوات الإعلامية بعمل لقاءات وأنا ما كنتش بحب، أنا كنت أخلص الماتش وأجري، فهو راح قلي: بص أنا عاوزك تتعود الي بيعدي جنب سور النادي الأهلي بيتشهر'. 

وتابع المحلل المصري: 'مش معنى انت تعمل حاجة بدون مقابل أنك تمن على النادي... أنا قاعد هنا عشان خاطر النادي باسم النادي وعشان اسم مصر... اسم مصر والنادي هو الي عملك'. 

وأضاف أبوتريكة: '(الأهلي ومنتخب مصر) كانا الطريق للوصول إلى قلوب الناس، وأنا الحمدلله قلبي أبيض وما بشلش كره لحد. أنا بحب الجميع الي بيشتم والي بيمدح: من الإخلاص أن يستوي عندك المدح والذم'. 

وختم لاعب الأهلي ومنتخب مصر سابقا قائلا: 'وفي الأول وفي الأخير مش هتعلمني أحب مصر إزاي... مش هتعلمني أحب النادي الاهلي إزاي مش هتعلمني أفيد بلدي إزاي زي ما فادتني. ومحدش يزايد على حب العبد لله لمصر وللنادي الأهلي'.

وأكد أبوتريكة أنه مسامح الجميع 'من مدح ومن ذم' ووجه شكره لمنتخب مصر وللنادي الأهلي. 

وكان قد تعرض أبو تريكة والنادي الأهلي لانتقادات بسبب ظهور نجم الكرة المصرية السابق في إعلان استاد النادي، بسبب وضعه علعى 'قوائم الإرهاب' في مصر وسط ادعاءات عن ارتباطه بتنظيم الإخوان المسلمين.