كشفت الدكتورة ولاء شبانة، الاستشاري النفسي، عن استراتيجيات جديدة لتحفيز الأطفال في مراحل التعليم الأساسية على الإقبال على الدراسة بشكل إيجابي.

وقالت الاستشاري النفسي، خلال حوار مع الإعلامية مروة شتلة، ببرنامج 'البيت'، المذاع على فضائية 'الناس'، اليوم الثلاثاء، إن مرحلة الطفولة المبكرة، التي تشمل الأطفال في المرحلة الابتدائية والإعدادية، تتطلب اهتماماً خاصاً لضمان تشجيعهم على الدراسة.

وأضافت: 'ما فيش مشكلة أبداً أن تكون الأدوات المدرسية بتاعته جديدة قدر الإمكان، وأنه يختار الحاجات اللي هو عايزها فعلاً، إن هو فعلاً عنده من الخيارات الكافية اللي يقدر يختار الحاجات اللي هو عايزها، وكمان نتناقش في بعض المشكلات اللي حصلت السنة اللي فاتت ونحاول نعالجها عشان السنة الجاية نقدر نتصرف صح، الأهم بقى، وده ما يعنينا كلنا كمصريين، أن المذاكرة بالنسبه لنا قرآن يمشي على الأرض'.

وتابعت: 'بلاش فرض الجدول اللي هيشتغل بيه بشكل فردي، النظام والتوقيت اللي هيشتغل بيه بعمل إيه؟ لكن الاختيارات المتعددة دي بتبقى من الحاجات المحببة بالنسبة لي، زي ما باجي كده أختار مع أولادي، إحنا ما لناش في البنطلونات المقطعة، ما لناش في البلوزة المقطعة، فما أعرِفش، خلاص مش هجيبها قدام، يعني مش هجيب الحاجات دي قدام البنت وأقول لها: 'اختاري'، لا، لما هختار، هختار من حاجات مقبولة بالنسبة لي، فبالتالي، أديت للطفل حرية الاختيار والديمقراطية، لكن في نفس الوقت، الاختيارات كلها فعلاً مقبولة بالنسبة لي'.