كشف مؤدي المهرجانات عمر كمال عن رغبته القوية في الزواج، معربا عن إحساسه بمرور الوقت وكبر سنه وحلمه في تأسيس أسرة، واصفاً المواصفات التي يتمنى أن تتوفر في شريكته المستقبلية.

وقال عمر كمال في لقاء مع الإعلامي عمرو أديب في برنامج 'الحكاية' على قناة MBC مصر، : 'أمنيتي إني أتجوز واحدة نغشة وفي نفس الوقت ست بيت.. يعني تكون عفوية وروحها حلوة، بس كمان تكون مسؤولة وتفهم معنى الحياة الزوجية'، مضيفا : 'أنا روحت عملت عمرة مخصوص عشان أتجوز، ودي خطوة مهمة جداً في حياتي.'

هعملها فرح متحلمش بيه

وأوضح أنه يطمح إلى أن يكون فرحاً مميزاً لا ينسى، وقال: 'هعملها فرح متحلمش بيه.. فرح كبير جداً، وأنا هجيب لها الهضبة يغني، وهنروح المالديف نعيش في قصر هناك.. عايز أضمن لها حياة سعيدة كلها حب واهتمام.'

وتابع عمر كمال: 'أنا عايز أعمل كل حاجة تخليها مبسوطة.. أنا كبرت أوي يا عمرو، وبقيت بفكر في حياتي بجد.. مش عايز أضيع الوقت.'

وأكد عمر كمال على أهمية التفاهم والاحترام بين الزوجين، قائلاً: 'العلاقة الزوجية محتاجة صبر وتفاهم لازم تكون في تفاهم وتقدير لكل طرف للتاني، وأنا جاهز أدي كل ده وأكتر.'

وتحدث عمر كمال عن علاقته بجمهوره الكبير، معبراً عن امتنانه لدعمهم المستمر، ومؤكداً أن هذا الدعم هو الذي يحفزه لتحقيق أحلامه الشخصية والفنية، وأكد أن زواجه لن يؤثر على فنه بل سيضيف له استقراراً يجعل منه فناناً أفضل.

واختتم: 'أنا بحب جمهوري جداً، وهم سبب نجاحي وأنا متأكد إن ربنا هيكرمني باللي بحلم بيه، والزواج هو خطوة مهمة في حياتي هتخليني أقدم أفضل.