كشفت الفنانة شهيرة تعرضها لأزمة صحية بسبب تناولها الثوم بانتظام بناء على نصيحة من سيدة تساعدها في المنزل. 

وكتبت شهيرة تفاصيل حالتها في منشور عبر فيسبوك قائلة:' من أيام  قالتلي اللي بتساعدني في البيت  يامدام ماتخدي كل يوم  واحدة توم علي الريق تقوي المناعة.. وأنا سمعت الكلام وبقالي يومين   بعمل كده.. النهادرة التومة كانت كبيرة  فقسمتها نصين وبلعت نص وهنا الموضوع'.

واستطردت شهيرة قائلة:' فجأه لقيت نص التومه دي وقفت مابين الحلق والبلعوم وشربت قزازه ميه عشان تنزل مافيش فايده فضلت راحه جايه  مش عارفه انزلها أزاي وشربت حاجه سخنه مره وأتنين واحاول أبلعها وهي رافضه انزعجت وخاصه أني لوحدي'.

وأضافت شهيرة قائلة:' و بقيت مش عارفه اعمل أيه لأن مكانها حاسه فيه بألم وشبه خنقه  بس مش خنقه وكده لمده  اكتر من نص ساعه  وتأملت الموقف وقلت سبحانك ربي  انت  أعيطتنا نعم كتيره ولا ندركها ألا في الوقت الصعب المهم  اني فجأه أحسست اني عايزه ارجع اللي في بطني مع انها معلقه فوق ومانزلتش في المعده  وفعلا محاولات تقيأ   ولكن مابيحصلش  أثناء هذه المحاولات تحركت من مكانها  ونزلت في معدتي..  قلت ياااه الحمدلله  شكرا يارب بقي نصف تومه  تلخبط كيان الأنسان كده  واحنا رايحين جايين بنبلع  عادي كأنها اجهزه المفروض انها تشتغل عادي لأ دي بتشتغل مش عادي دي بأذن ورحمه ربنا بينا'.