كشفت الفنانة فريدة سيف النصر، النقاب عن حقيقة ما تردد حول حضورها حفل توزيع جوائز الدير جيست حافية القدمين، مؤكدة ان الخبر عاري تمامًا عن الصحة.

تداول رواد مواقع التواصل الاجتماعي، على نطاق واسع، خبر حضور الفنانة فريدة سيف النصر، لحفل توزيع الجوائز بمهرجان دير جيست، وهي حافية القدمين.

وكتبت فريدة سيف النصر، منشور عبر حسابها الخاص على موقع التواصل الإجتماعي فيسبوك قائلة: 'والله زهقت، ليه مركزين معايا قوي وبالكذب، علشان كده مابحبش احضر احتفالات، اخر شائعة اني حضرت المهرجان حافيه من غير جزمة - لامؤاخذه - ايه العبط ده، أنا مابرضاش اتكلم، لكن لما كل المواقع تكتب كده لأنهم بينقلوا من بعض'.

وأضافت: وانا نازلة من باب السيارة الكعب اتكسر، ازاي ماحدش يسألني، إتعودت خلاص عالعيون الحلوة، فا بقيت رجل عالية ورجل واطية، وربنا يخلي سمير فقيه الصحفي الكبير استقبلني ومسك ايدي كتر خيره ومشي بيا كنت هاروح والله».

قالت فريدة سيف النصر: «وانا مروحة فضلت متحملة، لكن قلعتها لاني هاقع بسبب الكعب، معرفش أنهم سايبين الناس كلها بفساتينهم وبيصوروا رجلي، مراقبين حتي انفاسي مع الأسف'.

وتابعت: 'بجد اهم حاجه عندي حب جمهوري انتم بقي لحساب مين، اعملوا مابدا لكم زهقت، أما الميك اب فانا اصلا حتي شغلي مابحطش إلا روج، مابحبش الفوند تان خالص، وشعري طبعا معمول بس لاماه، أنا ماما ياجماعة».

واعربت سيف النصر عن ضيقها من التربص بها، وقالت: «بصوا بقي، كفاية رأي جمهوري، هما بيحبوا طبيعتي وبساطتي، وفعلا من تواضع لله رفعه، واظن واضح، وعلي فكره.

وأضافت: 'انا بالبس المناسب لسني ومكانتي، والحمد لله عجبكم وقولتم شيك، انما من غير جزمه ده هبل، وعيب بقي ارحمونا، وبكل اللي بيحصل ده انا تريند على طول، حافية بقي أو منكوشة، اهو الحب من الله موتوا».

كانت فريدة سيف النصر قد شاركت في بطولة مسلسل 'العتاولة' ضمن أعمال رمضان 2025، وشاركها البطولة أحمد السقا، طارق لطفي، زينة، باسم سمرة، مي كساب، حنان يوسف، صلاح عبدالله، سامي مغاوري، ميمي جمال، هدى الإتربي، أحمد كشك، مؤمن نور، مريم محمود الجندي، والعمل تأليف هشام هلال ومن إخراج أحمد خالد موسى.