تصدرت الفنانة مها أحمد مؤشرات البحث عبر منصات التواصل الاجتماعي خلال الساعات القليلة الماضية، وذلك بعدما فجرت مفاجأة عن زوجها الفنان مجدي كامل، مشيرة إلى أن لديه زوجة أخرى.

وفجرت مها أحمد مفاجأة عن زوجها مجدي كامل عبر حسابها الرسمي بموقع الفيديوهات «تيك توك» عقب سؤال متابعة لها عن زوجها، لترد قائلة: «مجدي كامل عند مراته التانية، أنا سيباه يجرب.. بس أنا ما أتسابش».

وفي وقت سابق، أثارت مها أحمد حالة من الجدل، بعدما خرجت في لايف جديد تستغيث من خلاله للعمل، لتشهد موجة كبيرة من غضب الجمهور عليها.

وقالت مها أحمد، خلال الفيديو: «أنا صحيت على إن الدنيا مقلوبة والجمهور اللي بيحبني ومش متنمر زعلان إني بقول عاوزة أشتغل عند شيخ.. أنا مليش ذنب بميولك أو إن عندك خلفية بإن اللي بتشتغل عند شيخ بتروح تشتغل خدامة».

وتابعت مها أحمد، قائلة: «لكن أنا هانم.. ولما كنت بتكلم اني عاوزة أشتغل عند شيخة أو شيخ من الشيوخ فده بناء على تاريخ الفن اللي أنتم جاهلين بيه، لأن أعمال فنية مصرية كتير متصورة في استوديوهات شيوخ خلايجة، وكان في ستوديوهات هنا مملوكة لشيوخ وكنا بنروح نصور عندهم.. وفي شيوخ خلايجة ومنتجين بيعشقوا الفن هناك».

وأكملت مها أحمد: «فأنا مش ذنبي إن إنتي جاهلة ومش عارفة أو إنت جاهل، وطبيعي لما ممثلة أو واحدة كانت ممثلة طلعت على السوشيال ميديا وبتشتغل على السوشيال ميديا تقول جملتين زي دول بتطلب حد عشان ينتج لها، أنا مستغربة جدا هو سيادة المستشار تركي آل الشيخ هو مش شيخ؟ هو مش بينتج لتلت تربع نجوم مصر هما مش كل فنانينا سابوا التمثيل في مصر وراحوا هناك بيمثلوا في السعودية، هو دا كويس ليهم كنجوم ووحش لمها أحمد عشان تطلبه».