قال الدكتور أيمن عاشور وزير التعليم العالي، إن بدايته كانت في العمل مهندس معماري، مشيرا إلى أنه مازال يمارس مهنة الهندسة حتى الآن، ويتشرف بأنه مهندس معماري.

وأضاف خلال لقائه ببرنامج «مصر تستطيع»، المُذاع عبر فضائية DMC، مع الإعلامي أحمد فايق قائلًا: «هحكي لكم إزاي دخلت هندسة وقسم عمارة، بقول لأولادي اختار القسم أو التخصص اللي أنت بتحبه، واوعى تخلي المجموع أو حد من الأهل أو الأصدقاء يفرض عليك تدرس إيه، ونصيحتي اختار اللي أنت بتحبه وعندك فيه مهارة علشان تقدر تطلع ناجح».

وتابع: «منذ صغري كنت بحلم أبقى مهندس معماري، وكنت بشوف إن المهندس المعماري بيعمل من الصحراء مدن وحياة، بيتخيل حاجة على ورق ويبنيها، وكنت مُغرم بتخطيط مدينة وعمارات، ولما دخلت الكلية كنت من أوائل الدفعة واتعينت معيد في هندسة عين شمس، ومشيت في التدرج الأكاديمي كمهندس ومعيد ومدرس وأستاذ مساعد».

وأكمل: «ولما اتخرجت كنت حابب اشتغل مهندس، وعملت شغل خاص بيا، وعملت مشروعات كبيرة وقومية بقالنا 40 سنة، ولم يكن في ذهني أن اتوجه الى عمادة كلية الهندسة جامعة عين شمس لمدة 6 سنوات، وذلك منذ سنة 2014 وحتى عام 2020، وأصبحت بعدها نائب وزير التعليم العالي وحاليًا وزير، حلمت أبقي مهندس معماري ناجح وأستاذ جامعي ناجح واللى بعمله دلوقتي برضو هندسة في التعليم العالي، وبستخدم نفس المنهجية فى التعليم العالي».