أكد الإعلامي أحمد موسى أنه على السوريين العودة إلى بلادهم من أجل إعادة إعمارها وعدم تركها للمليشيات المسلحة التي جاءت من كل مكان في العالم.

وقال موسى خلال برنامج 'على مسؤوليتي' المذاع على قناة 'صدى البلد': 'اللي عايز يروح سوريا ما يروح سوريا دولة عربية، واحنا مع الشعب السوري، احنا بنحب الشعب السوري والموضوع مختلفش، واحنا لا ندافع عن أنظمة ولكن عن شعوب ودولة ومؤسسات وطنية وأنا ضد المليشيا في أي مكان على وجه الكرة الأرضية وهذا موقفي مغيرتوش'.

وأضاف: 'اللي انا دائما أقول عليه إرهابي وهو إرهابي مش هغيره أبدا ودي مسألة حاكمة بالنسبالي وبالنسبة للي انا عارفه وعلى مدار تاريخي اشتغلته وشوفته ونبقى واخدين بالنا كويس أوي والمواقف تبقي واضحة ومتشافة واللي بقوله على الهوا بقوله وأنا واقف مع اصحابي مواقفي واضحة'.

وتابع: 'بعض السوريين زعلوا عشان بقولهم بلدهم أنا بقولهم لو سمحت ارجع بلدك عمرها، انا بقولك وبنصحك أنك ترجع بلدك تبنيها وتعمرها فتزعل مني؟ أنا قلت أرجع بلدك هو أنا بقلك روح بلد غريبة؟ سوريا النهاردة محتاجة لكل مواطن وانت تشكرني وأنا بقولك كده أنا عايزك تبقي في بلدك'.

وواصل: 'هو مين تاني النهاردة يبقي موجود؟ هو ليه حضرتك سايب المليشيات من كل حته في العالم لازم أنت كمواطن سوري لما أقولك اتفضل ارجع بلدك والعالم كله النهاردة بيقولكم كده'.

وأوضح: 'دول الاتحاد الأوروبي لسا أردوغان اول أمبارح طالع يقولكم اتفضلوا ارجعوا والألمان قالولكم ارجعوا هتشتموهم؟ الدول النهاردة بتقول كده وسوريا محتاجة لكل مواطن سوري 25 مليون محتاجين يبقوا داخل الأراضي السورية مش برة'.

واختتم: 'هو مين اللي هيبني سوريا؟ هتستوردوا ناس يبنوها؟ والا حضرتك تروح تشوف بيتك تروح ادلب أو الرقة أو حلب أو السويداء أو حمص تروحوا تعمروا هو ده الكلام'.