نعى المنتج والمخرج مجدى الهواري، الفنان سليمان عيد، الذي وافته المنية صباح اليوم الجمعة، بكلمات مؤثرة.

وقال نالهواري :'رحل سكرتير المدرسة ورحل  #الناظر عاشور وصلاح وسيد ضاهي والاستاذ حسين ومس انشراح والاستاذ درديري الادارة كلها .. الله يرحمهم جميعاً وفضلت المدرسة ( الحياة ) الذكرى الحلوة والأيام الحلوة والتفاصيل الحلوة والعمر بقي ورا مش قدام حزن وقهرة ووجع '.

و أضاف :'درس جديد من المدرسة بيعلمنا ان مفيش كبير  مفيش أفيش ولا أسماء مين !! ولا  فين مكانها ولا اجرك كام ولا بتجيب كام !! فيه آيه  ربنا عايز يقولنا فيها حاجة وهي ولا حاجة بتفيد ! بس هو عملك المفيد .. والتوحيد والتسبيح والعبادة والصلاة والصداقة تكون من قلبك لصحبك وروحك وطيبتك واخلاقك  كله قاعدلك ويظهرك في يوم زي ده ماشاء الله زي الفل وكله عندك ياسليمان  ونشهد ????'. 

وأكمل :'ودعانا كلنا علشان نصلي يوم الجمعه مبروك عليه يومهدعانا كلنا علشان نصلي عليه علشان نفرح بيه ونفرح له ونشهدله ان طيب وسليم وقلبه نضيف 

احلي ختمة وختام وخاتمة ربنا يكتبهنا كلنا 

وساب رسالة قوية لينا كلنا ! عبارة عن  (آيه ) بتقول الآيه'.

و تابع :'لو عايز يومك يبقي حلو كده ! والناس كلها تصلي عليك . خليك كويس مع الناس  طول عمرك ! وده سليمان عيد ????وأسلك وخليك في حالك ! وده سليمان عيد ???? وسيرتك تبقي حلوة وميختلفش عليها اتنين في الخير  ! وده سليمان عيد

ونشهد كلنا بكده عمره مزعل حد حتي لو فكر يعتذر عن دور .. وده اقل حقوقه ! كان يخاف يزعل مننا  حد ! '.

و ختم :'الله يرحمك ياسليمان مصر كلها زعلانة عليك مش احنا بس ???? ديه علامة ياواد .. افرح بقيت اية لينا كلنا ! كان نفسك فيها يابني في حياتك تبقي في وسطينا مرة  ( قدام  ) خدتها ياسليمان وبقيت قدمنا كلنا الكبار والنجوم والصغيرين كله بقيت له آية

في اهم مشهد لينا كلنا  انت بطله .. افرح ياعم  

صبرت ونولت ياابني وبشدة !  هنفتكرك طول  الوقت وبشدة !  غصب عننا وضحكت علينا كلنا وبشدة وفوزت بالجنةان شاء الله  وبشدة وجعلك الله لنا 

آية وبشدة لن ننساك وبشدة????

مع السلامة وبشدة

الله يرحمك وبشدة'.

وفاة سليمان عيد

غيب الموت صباح اليوم الجمعة الفنان سليمان عيد عن عمر ناهز 64 عامًا، بعد تعرضه لأزمة صحية مفاجئة نقل على إثرها إلى المستشفى، إلا أن حالته تدهورت سريعًا، ليلفظ أنفاسه الأخيرة هناك.