أكد الإعلامي مصطفى بكري أن مصر قادرة على أن تهزم كل من يحاول المساس بها، مشيرا إلى أن مصر لا تسعى للحرب.

وقال بكري خلال برنامج 'حقائق وأسرار' المذاع على قناة 'صدى البلد': 'أوعوا تغموا عنيكم أوعوا تتصوروا أنكم ممكن تفاجئونا بحاجة، هتلاقوا الناس تطلع بالصحون والحلل تلبسهالكم، أنتوا متعرفوش شعب مصر دا شعب وقت الجد ملوش حل والله يدوقكم اللي عمركم ما شفتوه'.

وأضاف: 'أنتوا مخرجتوش من غزة يا نتنياهو أنت مخرجتش ومعرفتش تجيب الرهائن كام شهر وأنت بتضرب وتدمر لا عرفت تقضى على حماس ولا تجيب الرهائن ولا تغير عقيدة أبناء غزة ولا تجبرهم على التهجير وجريت على ماما أمريكا تقولهم ألحقوني'.

وتابع: 'عمليا أنت اتهزمت أنت دمرت وقتلت وأصبت 160 ألف شكر الله سعيكم وشهدائنا في الجنة وقتلاكم في النار، فلسطين ردت عليك والأولاد الصغيرين ردوا عليك قالوا مش هنسيب غزة فما بالك بالشعب المصري؟ الشعب اللي طول عمره مسالم ولكن وقت الجد لما حد يعتدي على أرضه أو يدنس مقدساته يتحول إلى شعب آخر يمتلك من القوة والقدرة والإيمان ما يزعزع به الاخرين'.

وأوضح: 'أتمنى أنكم تشوفوا الكلام ده ولكن أنتم في غفلة من أمركم، مين اللي حقق الاتفاق بتاع المرحلة التانية بتاع وقف إطلاق النار وتبادل الأسرى اللي هيتم يوم السبت؟ مصر وجهاز المخابرات العامة المصرية، الجهاز الوطني'.