هاجمت الإعلامية ياسمين عز، المدارس الخاصة، بعدما وضعت اشتراطات مبالغ فيها لقائمة الأدوات المدرسية «سبلايز».

وقالت الإعلامية ياسمين عز خلال برنامجها «كلام الناس»، عبر قناة «mbc مصر»: «يعني إيه سبلايز بـ150 ألف جنيه.. إنتوا بتنتقموا من ولي الأمر، الناس هتجيب منين؟».

وأضافت: «الرجل يصحى الصبح مطلوب منه بمليون جنيه سبلايز، الناس كانت بتتحبس عشان عدم تسديد القروض، وجوزك هيتحبس عشان مدفعش السبلايز».

وتابعت: «مين اللي اخترع السبلايز؟.. أنا متأكدة إن اللي اخترعه كان بيروح المدرسة بشنطة بلاستيك فيها السندويتشات وبيرجع بنفس الكيس للبيت عشان عهدة»، مضيفة: «إنتوا ليه بتعملوا كده في أولياء الأمور، هو دفع كل اللي حيلته قسط المدرسة، مش معاه ثمن علبة جبنة».

واستنكرت ياسمين عز: يعني إيه مريلة ووتر بروف ومزيل عرق وجردل بحر وشاور جيل لليدين ومعجون لطفل سنته مكسورة إمبارح».

وعبرت عن غضبها قائلة، «طفل لسه مبيعرفش يكتب اسمه عايزين منه ألوان ميه وخشب وصلصال ده لو هيرسم لوحة العشاء الأخير مش هيطلبوا منه ده».