قال الفنان حسام حبيب، إنه ساهم بشكل كبير في استعادة شيرين مكانتها الفنية، وساعدها على تحقيق العديد من النجاحات بعد زواجهما، قائلًا: 'الفضل لله أولًا وأخيرًا، لكن أنا كنت جزءًا من نجاحها وعودتها للساحة بقوة، حفلاتها زادت، وأجرها زاد، وده مش كلامي، دي أرقام وإثباتات، وأنا مش بندم على اللي عملته، بس اللي بيحصل ده مش عدل'.

وأضاف حسام خلال حواره مع الإعلامية بسمة وهبة في برنامج 'العرافة' المذاع عبر قناتي 'النهار' و'المحور'،  لم أكن اسعى لتهديدها أو تخويفها، لكني كنت أعتقد أنها ستظهر في وقت ما وتعترف بالحقيقة، إلا أن ذلك لم يحدث.

واسترسل: 'أنا مش بهددها ولا بخوفها، كنت متوقعًا إنها في يوم من الأيام هتقول الحقيقة، لكن للأسف ده محصلش.. سابتني للتهديد والتهزيق، ولسه بيتكلموا في عرضي وعرض أهلي، وأنا مش مسموح لأي حد يعمل كده'.

وتابع :'أنا فاض بيا الكيل، وهطلع أقول كل حاجة بالإثباتات والفيديوها والمسجات والصور، وفاض بيا الكيل لكن عشان أنا بني آدم محترم سأترك لها فرصة الأخيرة.. وأقسم بالله لو ما اعترفت باللي حصل هحكي كل شيء وكل حاجة'.

وأوضح حسام أن أكثر ما أزعجه هو الزج بعائلته في الخلافات بينه وبين شيرين، قائلًا:  'مع احترامي لكل حد، أنا متربي كويس، وعيلتي ناس محترمين، وأنا مش مستحمل إن حد يتكلم عنهم بالسوء، شيرين أحدثت وقعة بيني وبين أهلي، وأنا كنت شايف إن اللي حصل مش صح'.