علقت الفنانة فريدة سيف النصر، على أزمة الفنان أحمد السقا وطليقته مها الصغير الأخيرة والتى تضمنت تقديم بلاغ رسمي من الإعلامية مها الصغير ضد السقا بالتعدي عليها بالضرب ولكن لا تزال التحقيقات جارية.

وكتبت فريدة سيف النصر عبر حسابها الرسمي بموقع فيسبوك: 'عيب ياأم ياسين الغالي لو تأذيتي كان يبقي في تقرير طبي لأن ضرب الجدع ابو الرجوله مش سهل تبقي فيكي حيل للجري عالقسم، حسبي الله في اللي عمالين يسخنوا من الجهتين، استحلفكم بالله والعشره والولاد اللي زي الفل كفايه كده، ولحبايبنا اللي بيعلقوا بالتجريح، ده حبيبكم حطوا نفسكم مكانه واعملوا حساب ولاده وموقفهم دوول رجاله والعروسه القمر ناديه بجد كتير عليه كده..وانتي يا غاليه بعتي حاجات ماتتعوضش ب ولا حاجه خايفه عليكي، وانت اسمع كلام ام الرجالة، من اشترانا بالروح اشتريناه، ومن باعنا بعناه ويحرم علينا اجتماعه، ولو مددبت ايدك يبقي غلط، وأنا كلي معاك لاني باحس كويس اوي بالشفافيه اللي كلكم عارفينها عني الحمد لله، والله لايسامح اللي ورا كل الحرب دي، وربنا معاك بجد وانتي ربنا معاكي و يقويكي علي نفسك، النفس اماره بالسوء، ناس هاتقول حقها ماشي لا التوقيت صح ولا هي صغيره علي التسرع ونسيان اتنين رجاله وعروسه، وابوهم ابو الرجولة، ودة رأيي وفي الحق لا أخشي لومة لائم. سنحاسب علي كلمة حق نكتمها، ربنا يهدي الأحوال ونشوف صلح ولا يتخرب بيت ابدا يارب'.