ردت الفنانة مها أحمد، على منتقديها، بعد كشفها خلال الساعات الماضية عن رغبتها في العمل عند أحد الشيوخ الخليجين.

وقالت مها أحمد، خلال فيديو نشرته عبر حسابة على تطبيق تيك توك: «أنا صحيت على إن الدنيا مقلوبة والجمهور اللي بيحبني ومش متنمر زعلان إني بقول عايزة أشتغل عند شيخ.. أنا مليش ذنب بميولك أو إن عندك خلفية بإن اللي بتشتغل عند شيخ بتروح تشتغل خدامة».

وتابعت مها أحمد، في مقطع الفيديو، قائلة: « لكن أنا هانم عارفين يعني إيه هانم، الهانم كانت بتتكلم وبتطلب إنها تشتغل عند شيخة أو شيخ من الشيوخ بناء على تاريخ الفن من زمان اللي أنتم جاهلين بيه.. لأن أعمال فنية مصرية كتير متصورة في استوديوهات شيوخ خلايجة.. وكان في ستوديوهات هنا مملوكة لشيوخ وكنا بنروح نصور عندهم.. وفي شيوخ خلايجة ومنتجين بيعشقوا الفن هناك».

وأضافت مها أحمد: 'فأنا مش ذنبي إن إنتي جاهلة ومش عارفة أو إنت جاهل، وطبيعي لما ممثلة أو واحدة كانت ممثلة طلعت على السوشيال ميديا وبتشتغل على السوشيال ميديا تقول جملتين زي دول بتطلب حد عشان ينتج لها، أنا مستغربة جدا هو سيادة المستشار تركي آل الشيخ هو مش شيخ؟ هو مش بينتج لتلت تربع نجوم مصر هما مش كل فنانينا سابوا التمثيل في مصر وراحوا هناك بيمثلوا في السعودية، هو دا كويس ليهم كنجوم ووحش لمها أحمد عشان تطلبه».

ويذكر أن مسلسل بيت الشدة آخر أعماله وتم عرضه عام 2022، وهو من إخراج وسام المدني، وتأليف ناجي عبد الله، وشارك فيه وفاء عامر وأحمد وفيق وإيهاب فهمي ومحسن منصور وغيرهم من الفنانين.