انتقد أحمد حسام 'ميدو' نجم الزمالك السابق، توقيت الهجوم الذي شنته بعض الجماهير في مباراة الفريق أمام الجونة، ضد مجلس إدارة النادي وتعبيرهم عن ذلك ببعض الهتافات.

وقال ميدو عبر 'إكس': 'دائما ما أقول أن جمهور الزمالك هو قائد الكتيبة وعنده حس كبير في توجيه رسائله عبر التاريخ وهو من انتشل الفريق من كل محنة بمواقفه الصارمة والحاسمة ودائما ما تكون في التوقيت المناسب!!'.

وتابع: 'تواجدت أمس في الملعب ولم يعجبني أبدا توقيت توجيه الرسائل لمجلس الإدارة كانت الهتافات في الشوط الأول واحنا كسبانين ١-0 وبعدها على طول حصل تراخي كبير من لاعيبة الزمالك لحد ما استقبلنا هدف التعادل  وتفسيري ان اللاعبين فقدوا تركيزهم وتم إزاحة المسؤولية من على أكتافهم بمجرد سماع هذه الهتافات!!'.

وأضاف نجم الزمالك السابق: 'وصل الرسايل اللي انت عايزها بس التوقيت مهم التوقيت المناسب دائما آخر دقايق المباراة وانت كسبان فرق ٢ وضامن النتيجة او بعد نهاية المباراة بقول الكلام ده لإني خايف جدا ان الموقف ده يتكرر ثاني قدام بيراميدز ولو أتكرر قدام بيراميدز مش هنعرف نكسب'.

وختم ميدو: 'انا بقولكم ماتش بيراميدز هو ماتش الدوري لازم كلنا كزمالكاوية نتحد ونعمل أي حاجه علشان نكسبه لازم ننسى اي زعل من اي حد لمدة كام يوم وكلنا نقف ورا الفرقة وندعمهم وكل واحد من مكانه يعمل اللي يقدر عليه علشان نكسب الماتش ده وبعد الماتش لينا كلام!! '.

وفاز الزمالك 4-1 على الجونة في الدوري، و شهدت المباراة بعض الهتافات ضد المجلس على خلفية عدم تحقيق أي تقدم في ملف الصفقات وكذلك تجديد عقود اللاعبين البارزين.