كشفت الفنانة الشابة جوري بكر، عن تفاصيل انفصالها عن زوجها والذي تصدر تريند الساعات الماضية، بعدما أعلنت في لقاء مع الإعلامية جيلان علاء ببرنامج 'قهوة بلبن' لتتصدر الحلقة المعروضة على يوتيوب مؤشرات البحث في جوجل.

وقالت جوري خلال الحلقة: “كل حاجة ربنا كاتبها ده النصيب، وانا بدخل في جدل بسبب ان الناس مش بترحمني على السوشيال ميديا، وخصوصا الكلام اللي بيتقال انه في مكان لوحده او انا في مكان لوحدي انا عايزاقول انه مش جوزي وانا مش مراته، وانا تعبت من كتر الكلام الكتير ده اللي مش بيخلص”.

وتابعت 'الناس مش بتتأثر بالطلاق لكن أطفالنا هما اللي بيخلونا نسكت ومنكلمش عن المشاكل اللي بينا، وأنا مش من الناس اللي بتحب تكلم كتير في المواضيع الشخصية، انا ضد فكرة الكلام الوحش في حق الآخر على الشوسيال ميديا ده كلام خطأ تماما انه يحصل خصوصا ان في اطفال'.

واستكملت: 'جوري جوزك في الساحل انتي ازاي مش معاه وكلام بيحرق دمي وانا مش عايزه برضه اتكلم على السوشيال لكن دلوقتي مبقاش عندي اختيار غير اني اعترف اننا انفصلنا'.

وأعلنت جوري بكر، رسميًا طلاقها للمرة الثانية بعد أن تكتمت على الخبر لمدة 3 أشهر، وخلال مقابلة تليفزيونية لها، أوضحت “جوري” أن الانفصال حدث في 15 أغسطس الماضي، لكنها فضلت الانتظار حتى الوقت المناسب للإفصاح عن هذا القرار.