طالب الإعلامي أحمد موسى الجماهير المصرية بالحضور المكثف خلال مواجهة المنتخب الوطني أمام سيراليون في تصفيات كأس العالم.

وقال موسى خلال برنامج 'على مسؤوليتي' المذاع على قناة 'صدى البلد': 'قربنا إن شاء الله نروح كأس العالم 2026 في كندا وأمريكا والمكسيك، منتخبنا يحتاج جمهوره وعندنا ماتش مهم جدا بعد بكرة أمام سيراليون ولو فوزنا الماتش ده خطوة قريبة جدا نروح للي بعده نروح كأس العالم'.

وأضاف: 'النهاردة إحنا نتصدر المجموعة بتاعتنا 13 نقطة واللي بعدنا 8 نقاط واللي بعد اللي بعدنا 8 نقاط يعني إحنا عندنا فارق 5 نقاط عن أقرب واحد لينا سيراليون'.

وتابع: 'أتمنى جمهورنا يوم التلات ماتش فاصل لمنتخبنا الوطني هذا وقت الجمهور يروح الاستاد، أنا عارف الدنيا رمضان ولكن إحنا في رمضان كمان بيبقى يوم جميل جدا والناس تفطر هناك في الاستاد'.

وواصل: 'عايزين آلاف وأتمنى نلاقي على الأقل 30-40 ألف يوم التلات يشجعوا المنتخب، المنتخب النهاردة في حاجة لكل مشجع مصري يبقى موجود في الاستاد، الماتش الساعة 9 بعد الإفطار وإحنا قريبيين من كأس العالم'.

وأكمل: 'إحنا أقرب من أي وقت مع مدرب محترم كابتن حسام حسن وكابتن إبراهيم حسن وقائد منتخبنا النجم العالمي محمد صلاح يعني محمد صلاح اللي سجل جول وأدى التاني لأحمد سيد زيزو أمام إثيوبيا في المغرب'.

وأوضح: 'ماتش إثيوبيا ده لعبناه على قده كده وماتش لعبناه أننا نكسب والحمد لله كسبنا اتنين صفر وعلى الأقل الماتش ده كان يخلص 5-6 صفر مش اتنين ولكن لعبنا كده'.

واختتم: 'ماتش سيراليون عايزين من أول ثانية لآخر ثانية نلعب عشان نجيب 3 نقاط ونروح لـ 16 نقطة إن شاء الله، محتاج المنتخب الجمهور وجمهورنا النهاردة عايزينه يرجع يشجع المنتخب'.